اقتاۋداعى توتەنشە جاعداي نۇكتەسىنە كەلگەن يمانعالي تاسماعامبەتوۆ ارنايى جينالىس وتكىزدى. بۇل تۋرالى «قامشى» پورتالى Tengrinews-كە سىلتەمەي جاساي وتىرىپ حابارلايدى. جيىن بارىسىندا ول ءتورت اسكەريدىڭ ولىمىنە بايلانىستى اسكەري پروكۋراتۋرا قىلمىستىق ءىس قوزعاعانىن ايتتى.
تاسماعامبەتوۆ مۇنداي وقۋ-جاتتىعۋلاردىڭ بۇرىنعىشا وتكىزىلە بەرەتىنىن، سوندىقتان دا اسكەريلەردىڭ جاۋىنگەرلىك جاعدايعا دايىن بولۋ كەرەكتىگىن ەسكەرتتى. قورعانىس ءمينيسترىنىڭ ايتۋىنشا، ءار كوماندير اسكەريلەردىڭ ءومىرىن ساقتاي وتىرىپ، الدىنا قويعان تاپسىرماسىن ورىندايتىنداي الۋى كەرەك. تاسماعامبەتوۆ زالدا وتىرعانداردى دۇرىس شەشىم قابىلداۋعا شاقىردى.
جيىندا مينيسترگە تەرگەۋ ناتيجەسىنىڭ الدىن الا نۇسقاسى ۇسىنىلدى. قورعانىس مينيسترلىگى باس ينسپەكسياسىنىڭ باستىعى وقيعانىڭ دەسانتتى-تۇسىرۋ قۇرالدارى جوق كەزدە تەڭىز دەسانتىن ءتۇسىرۋ پراكتيكالىق ەپيزودىن ورىنداۋ بارىسىندا دۇرىس شەشىم قابىلداماۋ سالدارىنان بولعاندىعىن ايتتى. قورعانىس ءمينيسترى ارنايى كوميسسياعا قىزمەتتىك تەكسەرۋ جۇرگىزۋدى تاپسىرىپ، اسكەري قىزمەتشىلەردىڭ ءومىرى مەن قاۋىپسىزدىگىنە جاۋاپتى كىنالى لاۋازىمدى تۇلعالاردى انىقتاۋدى تاپسىردى.
«قامشى» سىلتەيدى
