ۆەنگريا پارلامەنتى ۇكىمەتتىڭ بوسقىندارعا قارسى قارۋ قولدانۋىنا رۇقسات بەرەتىن زاڭدى ماقۇلدادى. بۇل تۋرالى «قامشى» پورتالى دەپ BBC News- كە سىلتەمە جاساي وتىرىپ حابارلايدى.
شەكارا ءتارتىبىن بۇزعان بوسقىندى ماجارلىق اسكەريلەر رەزىڭكە وقپەن نەمەسە كوزدى جاساۋراتاتىن گازبەن قۋا الاتىن بولى. ۆەنگريا پارلامەنتى بۇعان دەيىن كوشى-قون تۋرالى زاڭدى قاتاڭداندىرىپ، رۇقساتسىز كىرگەن ميگرانتتى قاماۋعا رۇقسات بەرگەن.
ۆەنگريا پرەمەر-مينيسترى ۆيكتور وربان ەۋرووداقتىڭ سىرتقى ىستەر مينيسترلەرىنىڭ كەڭەسىندە بوسقىنداردىڭ ەۋروپالىق ەلدەر شەكاراسىنا ۇلكەن ءقاۋىپ توندىرىرەتىنىن مالىمدەدى. ونىڭ ويىنشا ەۋرووداق جابايى كوشى-قونعا دەرەۋ توسقاۋىل قويۋى ءتيىس.
اعىلىپ كەلىپ جاتقان بوسقىنداردى توقتاتۋ ءۇشىن ۆەنگريا بيلىگى سەربيامەن شەكاراعا تەمىر تىكەندى سىمدار تارتىپ تاستاعان. ءدال وسىنداي قابىرعانى حورۆاتيامەن اراداعى شەكاراعا دا ورناتپاقشى ەكەن.
