اقش پرەزيدەنتى تاليبانعا "جويقىن كۇشپەن" سوققى بەرەتىنىن ايتتى. بايدەن مۇنداي "جويقىن" سوققى ءۇشىن توتەنشە جاعداي جوسپارىن جاساعانىن مالىمدەدى.
تالىپتەر اۋعانستان استاناسى كابۋلدى باقىلاۋعا العان سوڭ، قالا اۋەجايىندا حاوس ورنادى. حاوس كەزىندە جەتى ادام قازا تاپقان. اۋعانستانداعى مىڭداعان اقش ازاماتى جانە امەريكالىقتارمەن جۇمىس ىستەگەن اۋعانداردى ەۆاكۋاسيالاۋ ءۇشىن اقش پرەزيدەنتى دجو بايدەن كابۋلدا تەڭىز ارمياسى مەن قارۋلى كۇشتەردى 5 000-عا كوبەيتۋدى تاپسىردى. سونىمەن قاتار وداقتاس اۋعاندار ءۇشىن ارنايى ۆيزا بولاتىنىن ايتتى.
– امەريكالىق اسكەرلەر بۇل ميسسيانى كاسىبي جانە ءتيىمدى ورىنداۋدا، ءبىراق تاۋەكەل جە جوق ەمەس. ءبىز ەۆاكۋاسيالاۋ وپەراسياسىن جۇزەگە اسىرا وتىرىپ، تاليبانعا "ەگەر ءبىزدىڭ قىزمەتكەرلەرگە شابۋىل جاساسا نەمەسە وپەراسيامىزدى بۇزسا"، اقش رەاكسياسى جىلدام ءارى كۇشتى بولاتىنىن تۇسىندىردىك، – دەدى بايدەن.
اقش پرەزيدەنتى قاجەت بولعان جاعدايدا ءوز حالقىن قورعاۋ ءۇشىن جويقىن كۇشپەن سوققى جاسايتىنىن دا ايتتى.
پىكىر قالدىرۋ