شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى مەن «نگسك كازسترويسەرۆيس» اق وڭتۇستىك قازاقستان فيليالى وكىلدەرى ازاماتتاردى جۇمىسپەن قامتۋ ماقساتىندا ءوزارا بىرلەسكەن مەموراندۋمعا قول قويدى.

«قازقۇرىلىسسەرۆيس» - بۇل جوبالاۋ، ساتىپ الۋ جانە قۇرىلىس جونىندەگى جەتەكشى تەحنولوگيالىق كومپانيا. كومپانيانىڭ تاجىريبەسى مۇناي-گاز، ينفراقۇرىلىم جانە ونەركاسىپتىك سەكتورلار ءۇشىن قۇرىلىس شەشىمدەرىن ۇسىنۋعا كەلگەندە الەمدەگى ەڭ ۇزدىكتەردىڭ ءبىرى بولىپ سانالادى.

جالپى، «كازسترويسەرۆيس» اق وڭتۇستىك قازاقستان فيليالىندا 800-دەن استام قىزمەتكەر جۇمىس ىستەيدى. قازىرگى ۋاقىتتا قۇرىلىس-مونتاج جۇمىستارىنا ءتيىستى ماماندار (بەتونشى، اعاش ۇستاسى، دانەكەرلەۋشى، تاس قالاۋشى جانە ت.ب.) قاجەت.

وسىعان وراي جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرى «كازسترويسەرۆيس» اق وڭتۇستىك قازاقستان فيليالى باسشىسىمەن كەزدەسىپ، «ەڭبەك» مەملەكەتتىك باعدارلاماسىنىڭ «جاستار پراكتيكاسى»، «الەۋمەتتىك جۇمىس ورىندارى» جانە «العاشقى جۇمىس ورنى» باعىتتارىمەن تانىستىردى.

مەملەكەتتىك باعدارلامانىڭ جۇمىسپەن قامتۋ باعىتتارىنا قىزىعۋشىلىق تانىتقان كومپانيا وكىلدەرى الداعى ۋاقىتتا 200-دەن اسا جۇمىسسىز ازاماتتاردى وڭىردە جۇرگىزىلەتىن قۇرىلىس جۇمىستارىنا جانە رەسەيدەگى فيليال تاراپىنان ىسكە اساتىن 18 جاستان 60-جاسقا دەيىن 1000-عا جۋىق جۇمىسسىزداردى ۆاحتالىق ادىسپەن جۇمىسقا تارتۋعا كەلىسسوز جۇرگىزدى.