شىمكەنت قالاسىندا 7 ايدا اۋىل شارۋاشىلىعىنىڭ جالپى ءونىم كولەمى 3 پايىزعا ارتىپ، 21،6 ملرد تەڭگەنى قۇرادى. ونىڭ ىشىندە وسىمدىك شارۋاشىلىعىندا 4،1 ملرد تەڭگەنىڭ، مال شارۋاشىلىعىندا 17،1 ملرد تەڭگەنىڭ ءونىمى وندىرىلگەن. بۇل تۋرالى اۋىل شارۋاشىلىعى جانە ۆەتەريناريا باسقارماسى حابارلادى.

باسقارمانىڭ اقپاراتى بويىنشا، اۋىل شارۋاشىلىعىنىڭ جالپى ءونىم كولەمىنىڭ ءوسىمى نەگىزىنەن مال شارۋاشىلىعىنداعى ءوندىرىس كولەمى 3،2% - عا، ونىڭ ىشىندە ءتىرى سالماقتاعى ەت 3،2% - عا جانە ءسۇت 2،6% - عا ارتۋ ەسەبىنەن بولدى.

جالپى قالادا وسى جىلى 29،3 مىڭ گا ەگىستىك جەرگە اۋىل شارۋاشىلىعى داقىلدارى ەگىلدى. ونىڭ ىشىندە ءداندى داقىل 12،9 مىڭ گا، مايلى داقىل 3،8 مىڭ گا، مال ازىقتىق 8،9 مىڭ گا، كوكونىس پەن باقشا 3 مىڭ گا، كارتوپ 0،7 مىڭ گا. ناتيجەسىندە بۇگىنگى كۇنگە 71،2 مىڭ توننا ءونىم جينالدى.

ەسەپتى كەزەڭدەرى قارا مال سانى 80،4 مىڭ باستى، قوي مەن ەشكى سانى 92،6 مىڭ باستى، جىلقى –14،1 مىڭ باس، قۇس 934،7 مىڭ باستى، شوشقا 3،6 مىڭ باستى قۇرادى.