شىمكەنت قالاسىنىڭ گاز تەحنيكالىق ينسپەكسيا ءبولىمى اۋداندىق اكىمدىكتەرمەن بىرلەسە تۇرمىستا گاز قاۋىپسىزدىگىن ساقتاۋ بويىنشا تۇرعىندارعا ۇگىت-ناسيحات تۇسىندىرمە جۇمىستارىن تۇراقتى تۇردە جۇرگىزىپ كەلەدى. اتاپ ايتقاندا، قالا اۋماعىندا ورنالاسقان كوپقاباتتى ۇيلەردىڭ تۇتىندىك جانە جەلدەتكىش ارنالارىنىڭ يەلەرى ولاردىڭ جارامدى تەحنيكالىق كۇيدە بولۋىن قامتاماسىز ەتۋ بويىنشا جانە ءۇي ىشىلىك گاز جابدىقتارىنا تەحنيكالىق قىزمەت كورسەتۋگە ءتيىستى مامانداندىرىلعان ۇيىمدارمەن كەلىسىم شارت جاساسۋدىڭ مىندەتتىلىگى جونىندە ەسكەرتىلدى.
قالا اۋماعىندا ورنالاسقان 15 كوپقاباتتى ءۇي (جاتاقحانا) ورتالىق گاز جۇيەسىنە قوسىلماعاندىقتان ءتيىستى مەكەمەلەرمەن بىرلەسىپ، قولدانىستاعى زاڭناماعا سايكەس، ءتيىستى قۇجاتتار ازىرلەنۋدە.
قازىرگى تاڭدا، اتالعان ءۇيدىڭ پاتەر يەلەرىنە ق ر «گاز جانە گازبەن جابدىقتاۋ تۋرالى» زاڭىنىڭ 28 بابىنىڭ 7-تارماعىنا سايكەس، قاباتى ەكى قاباتتان اساتىن كوپ پاتەرلى تۇرعىن ۇيلەردە تۇرمىستىق باللونداردا سۇيىتىلعان مۇناي گازىن ساقتاۋعا جانە (نەمەسە) پايدالانۋعا تىيىم سالىنعاندىعى جونىندە ءتۇسىندىرىلدى.
قازاقستان رەسپۋبليكاسىنىڭ 2014 جىلعى 5 شىلدەدەگى «اكىمشىلىك قۇقىق بۇزۋشىلىق تۋرالى» كودەكسىنىڭ 306 بابىنا سايكەس، ق ر «گاز جانە گازبەن جابدىقتاۋ تۋرالى» زاڭناماسىندا بەلگىلەنگەن، تۇرمىستىق جانە كوممۋنالدىق-تۇرمىستىق تۇتىنۋشىلاردىڭ گاز تۇتىنۋ جۇيەلەرىن جانە گاز جابدىعىن پايدالانۋ قاۋىپسىزدىگى جونىندەگى تالاپتاردى بۇزۋ – ايىپپۇل سالۋعا اكەپ سوعادى.
