شىمكەنت قالاسىنا قىتايدىڭ Vero Cell Sinopharm ۆاكسيناسىنىڭ 40 مىڭ دوزاسى جەتكىزىلدى. بۇل جايىندا قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ ءمالىم ەتتى. 

Sinopharm كومپانياسىنىڭ Vero Cell ۆاكسيناسى ەندى شىمكەنتتىكتەرگە قولجەتىمدى! قالاعا جەتكىزىلگەن 40 مىڭ دوزا ەكپە ەمحانالارعا ۇلەستىرىلىپ بەرىلدى. Vero Cell ۆاكسيناسى الەمنىڭ 45 ەلىندە، سونىڭ ىشىندە جۇڭگو، بىرىككەن اراب امىرلىكتەرى، تۇركيا، سەربيا، بەلارۋس، باحرەين جانە باسقا ەلدەردە ءساتتى قولدانىلادى. دۇنيەجۇزىلىك دەنساۋلىق ساقتاۋ ۇيىمى Vero Cell ۆاكسيناسىن وسى جىلدىڭ 7 مامىرىنان باستاپ پايدالانۋعا ماقۇلدادى.

قالانىڭ باس دارىگەرى بۇل ۆاكسينانىڭ ەرەكشەلىگىن دە اتاپ ءوتتى. ونىڭ ايتۋىنشا، ۆاكسينانى ساقتاۋدا قاتاڭ تالاپتاردىڭ بولماۋى رەسۋرستاردىڭ جەتىسپەۋشىلىگى جاعدايىندا وتە ىڭعايلى ەكەن. بۇل الەمدەگى امپۋلاسى ارنايى مونيتورمەن قامتاماسىز ەتىلگەن العاشقى ۆاكسينا، اتالعان مونيتور جاپسىرما ۆاكسينانى جىلى ورتاعا سالعان كەزدە ءتۇسىن وزگەرتەدى، بۇل مەديسينا قىزمەتكەرلەرىنە ونى پايدالانۋ كەزىندە قاۋىپسىزدىك تالاپتارىنىڭ ساقتالۋىن قامتاماسىز ەتۋگە مۇمكىندىك بەرەدى.

ەندى قالا تۇرعىندارى بەس ءتۇرلى ۆاكسينانىڭ ءبىرىن تاڭداي الادى. ولار: قاراعاندى قالاسىندا شىعارىلاتىن رەسەيلىك «سپۋتنيك V»، قازاقستاندىق QazVac، ءباا ەلىندە دايىندالعان Sinopharm كومپانياسىنىڭ HayatVax ەكپەسى، قىتايدىڭ Sinovac Biotech كومپانياسى جاساپ شىعارعان Coronavac جانە Sinopharm كومپانياسىنىڭ Vero Cell ۆاكسيناسى