شىمكەنت قالاسىندا حالىقتىڭ ءال-اۋقاتىن جاقسارتۋ ماقساتىندا جۇمىسسىز ازاماتتاردى جۇمىسپەن قامتۋ شارالارىن جۇيەلى جۇرگىزۋ باستى نازارعا الىنعان. وسىعان وراي، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە بيىل 21 942 ادامدى جۇمىسپەن قامتۋ شارالارىنا قاتىستىرۋ جوسپارلاندى. ال 2021 جىلدىڭ 8 اي كورسەتكىشى بويىنشا ناقتى 17 129 ادام جۇمىسپەن قامتىلدى.

2021 جىلدىڭ 8 ايىندا باعدارلامانىڭ ءبىرىنشى باعىتى اياسىندا قىسقا مەرزىمدى كۋرستارعا 2500 ادام جىبەرىلدى. سونداي-اق، 2101 ادام «باستاۋ بيزنەس» جوباسى بويىنشا كاسىپكەرلىك نەگىزدەرگە وقىتۋعا جىبەرىلسە، 52 ادامعا شاعىن نەسيە، ال 584 ادامعا مەملەكەتتىك گرانت بەرىلدى. سونىمەن بىرگە، 5827 ادام بوس جۇمىس ورىندارىنا، 299 ادام الەۋمەتتىك جۇمىس ورىندارىنا، 1176 ادام جاستار پراكتيكاسىنا، 2837 ادام اقىلى قوعامدىق جۇمىستارعا جانە 86 جاس العاشقى جۇمىس ورنىنا ورنالاستى.

وسىعان وراي، ايتا كەتەرلىگى جۇمىسسىز جۇرگەن ازاماتتاردىڭ جۇمىسپەن قامتۋ باعدارلاماسى سياقتى مەملەكەت قولداۋ ءبىلدىرىپ وتىرعان اتالمىش شارالارعا قاتىسىپ، جۇمىس تابۋىنا مول مۇمكىندىكتەرى بار.