شىمكەنت قالاسى بويىنشا «نۇرلى جەر» مەملەكەتتىك باعدارلاماسىنىڭ «شاڭىراق» نەسيەلىك باعىتى اياسىندا 557 ازامات ساتىپ الۋ تۋرالى كەلىسىم شارتىن جاساستى. اتالعان كرەديتتىك پاتەر يەلەرىمەن وتباسى بانك ارقىلى پاتەردىڭ يپوتەكالىق قارىز شارتىن راسىمدەۋ بويىنشا جۇمىستار جۇرگىزىلۋدە.

بۇدان بولەك، الداعى ۋاقىتتا «شاڭىراق» باعىتىندا وتكىزىلگەن كونكۋرس ناتيجەسىندە 336 پاتەر الۋعا ۇمىتكەرلەرمەن ساتىپ الۋ تۋرالى كەلىسىم شارتىن جاساسۋ جۇمىستارى جۇرگىزىلمەك. جىل سوڭىنا دەيىن شىمكەنتتە 1728 ازامات «شاڭىراق» باعىتى ارقىلى نەسيەلىك باسپاناعا قول جەتكىزەدى.

ايتا كەتۋ كەرەك، «شاڭىراق» باعدارلاماسىمەن بيىل «وتباسى بانك» ءوزىنىڭ ينتەرنەت رەسۋرسى ارقىلى تۇرعىن ءۇي كەزەگىندە تۇرعان ازاماتتار اراسىندا 27 ءۇيدى ساتۋ بويىنشا وتىنىمدەر قابىلداعان بولاتىن.

قازىرگى تاڭدا 1-15 قىركۇيەك ارالىعىندا «نۇرلى جەر» مەملەكەتتىك باعدارلاماسىنىڭ «5-20-25» باعىتى بويىنشا وتباسى بانكى جەڭىلدەتىلگەن پايىزدىق كورسەتكىشتەگى 192 نەسيەلىك پاتەرگە وتىنىمدەر قابىلداۋ كونكۋرسىن جۇرگىزىپ جاتىر. اتالعان كرەديتتىك باعىتتاعى كونكۋرسقا تۇرعىن ءۇي كەزەگىندە تىركەلگەن بارلىق ازاماتتار قاتىسا الادى. ول ءۇشىن وتباسى بانكتىڭ