شىمكەنت قالاسىنداعى «سيرك» مەكەمەسىندە «جىلقىعا ءمىنىپ جاتتىعۋ» شەبەرلىك ساعاتى ءوتتى. وعان قالاداعى قوسالقى مەكتەپ-ينتەرناتىنىڭ 15 وقۋشىسى مەن قىزىعۋشىلىق تانىتقان بالالار جانە اتا-انالار قاتىستى. ولار شىمكەنت - سيرك اۋماعىندا جاڭادان اشىلعان يپپودروم الاڭىندا جاتتىقتى.

شەبەرلىك ساعاتىنىڭ بارىسىندا بالالار اتقا قالاي وتىرۋ كەرەگىن، جىلقىمەن جۇمىس ىستەۋدىڭ پايداسى تۋرالى تانىستى. بالالاردىڭ ءبارى ات ۇستىنە ءمىنىپ ءماز بولىپ، كوڭىل-كۇيلەرى كوتەرىلىپ قايتتى.

يپپوتەراپياعا قاتىسقان بالالاردىڭ باسىم كوپشىلىگىندە ءوي-ورىسىنىڭ كەش دامۋى، قيمىل-قوزعالىسىنىڭ السىزدىگى بار. ال ونى ەمدەۋگە جىلقىعا ءمىنىپ جاتتىعۋ كومەكتەسەدى.

جىلقىعا ءمىنىپ جاتتىعۋ ارقىلى ەمدەۋدىڭ تيىمدىلىگىن دارىگەرلەردىڭ ءوزى مويىنداعان. بۇگىندە ەرەكشە بالالار سايگۇلىكتەرگە ءمىنىپ ءبىراز سەرۋەن قۇردى. تاڭداپ الىنعان جىلقىلار سالت جۇرىسكە جايلى، تارپاڭ مىنەزى جوق، جۋاس. اتپەن سەرۋەندەۋ ەڭ الدىمەن تاماشا ماسساج. ات ۇستىندەگى ادامنىڭ بارلىق بۇلشىق ەتى جۇمىس ىستەيدى.

يپپوتەراپيا:
- دەنە بەلسەندىلىگى ارتىرادى؛
- جاڭا قابىلەتتەرى اشۋعا كومەك ەتەدى؛
- پسيحيكالىق وڭالۋدان وتۋگە ۇلەس قوسادى؛
- سەبەرالدى سال اۋرۋلارىن وڭالتۋدا سەپتىگىن تيگىزەدى؛
- ويلاۋ قابىلەتىن جاقسارتادى؛
- بويداعى قورقىنىش پەن ۇرەيدەن ارىلتادى.

قوسالقى مەكتەپ-ينتەرناتىنىڭ مەڭگەرۋشىسى دە بالالاردىڭ ايرىقشا قۋانعانىن ايتىپ، شىمكەنت-سيرككە العىسىن ءبىلدىردى. الداعى ۋاقىتتا سيرك ۇجىمى ەرەكشە بالالاردىڭ وڭالۋى ءۇشىن بىرلەسە جۇمىس ىستەۋگە دايىن ەكەنىن جەتكىزدى.