شىمكەنت قالاسىنىڭ ينۆەستيسيالىق شتاب وتىرىسىنىڭ ەكىنشى بولىمىندە حاتتامالىق تاپسىرمالاردىڭ ورىندالۋ بارىسى تالقىلاندى. ول بويىنشا كاسىپكەرلىك جانە يندۋستريالدى-يينوۆاسيالىق دامۋ باسقارماسىنىڭ باسشىسى بەرەكە دۇيسەبەكوۆ بايانداما جاسادى.

جالپى 126 حاتتامالىق تاپسىرما بەرىلگەن. بۇگىندە ونىڭ 75ء-ى ورىندالسا، 51ء-ى ورىندالۋ ساتىسىندا. اتاپ ايتقاندا، ساۋلەت، قالا قۇرىلىسى جانە جەر قاتىناستارى باسقارماسى تاراپىنان 79 تاپسىرما، ەنەرگەتيكا جانە كوممۋنالدىق-شارۋاشىلىق باسقارماسى تاراپىنان 24 تاپسىرما، شىمكەنت قالاسىنىڭ كاسىپكەرلەر پالاتاسى بويىنشا 2 تاپسىراما، قۇرىلىس باسقارماسى تاراپىنان 1 تاپسىرما، جولاۋشىلار كولىگى جانە اۆتوموبيل جولدارى باسقارماسى تاراپىنان 1 تاپسىرما، تابيعي رەسۋرستار جانە تابيعات پايدالانۋدى رەتتەۋ باسقارماسى تاراپىنان 1 تاپسىرما ورىندالۋ ساتىسىندا.

ودان بولەك، م.ايتەنوۆ اۋدان اكىمدەرىنە ينۆەستيسيا تارتۋ بويىنشا بەرىلگەن ينديكاتورلاردىڭ ورىندالۋىنا تالداۋ جاساپ، ءار اۋدانعا جەكە تاپسىرمالار جۇكتەدى.

– بەرىلگەن تاپسىرمالاردى سوزبالاڭعا سالماي، دەر كەزىندە ورىنداۋ كەرەك. بيۋروكراتياعا ورىن جوق. ءبىزدىڭ ءاربىر ءىسىمىز بارلىق سالالارعا اسەر ەتەتىنىن ۇمىتپاڭىزدار. ماسەلەنى جان-جاقتى ويلاستىرىپ، ءارى ۇيلەستىرىپ وتىرۋعا مىندەتتىمىز- دەدى قالا باسشىسى.

سونداي-اق، نەگىزگى كاپيتالعا سالىنعان ينۆەستيسيا كولەمى 201،1 ملرد تەڭگەنى قۇرادى. ونىڭ ىشىندە، 144،2 ملرد تەڭگە جەكەمەنشىك ينۆەستيسيا، 56،9 ملرد تەڭگە مەملەكەتتىك ينۆەستيسيا. 2021 جىلدىڭ قورىتىندىسى ينۆەستيسيا كولەمىن 400 ملرد تەڭگەگە جەتكىزۋ جوسپارلانعان. ايلىق ينديكاتورلاردىڭ ورىندارۋ بارىسىنا قاراعاندا بەلگىلەنگەن مەجەگە جەتۋ مۇمكىندىگى تولىعىمەن بار دەۋگە بولادى.