شىمكەنت قالاسىندا ينفراقۇرىلىمدى دامىتۋعا ارنالعان جۇمىستار قارقىندى تۇردە جۇرگىزىلۋدە. بۇل جۇمىستاردىڭ نەگىزگى ماقساتى قالا ەكونوميكاسىنا قىزمەت ەتەتىن ساپالى جولدار ۇلەسىن ارتتىرۋ.

وسى ماقساتتا بيىل ءۇشىنشى مەگاپوليستە جول-قۇرىلىس جۇمىستارىمەن 311 شاقىرىمنان استام جول قامتىلدى. ياعني، قالادا وسى جىلى 182 نىساندا قۇرىلىس-جوندەۋ جۇمىستارى باستالدى.

جىل سوڭىنا دەيىن اتالعان جولداردىڭ 270.3 شاقىرىم بولاتىن 169 نىسان پايدالانۋعا بەرىلىپ، قاناعاتتانارلىق جاعدايداعى جولدار ۇلەسى 63،6 پايىزعا جەتكىزۋ جوسپارلانعان.

اتالعان جول-قۇرىلىسىنىڭ ىشىندە 49،8 شاقىرىم بولاتىن 71 كوشەدە كۇردەلى جوندەۋ جۇمىستارى جۇرگىزىلىپ جاتسا، ىشكى-ورام 151 كوشە مەن 21،9 شاقىرىمدى ماگيسترالدى كوشەلەرگە ورتاشا جوندەۋ جۇمىستارى جۇرگىزىلۋدە.

سونىمەن بىرگە، 277 كوشەگە شاعال تاس توسەلۋدە. 157 شاقىرىم بولاتىن بۇل جۇمىستارعا بولىنگەن سوما 600 ملن. تەڭگەنى قۇرايدى.

ايتا كەتەيىك، قالاداعى كولىك جولدارىنىڭ جالپى ۇزىندىعى 3200 شاقىرىمنان اسادى. ءقازىر جاقسى جانە قاناعاتتانارلىق جاعدايداعى جولداردىڭ ۇلەسى 60 پايىز شاماسىندا. بۇل كورسەتكىش 2018 جىلى 53 پايىز بولاتىن. ءۇش جىل ىشىندە جول سالاسىندا 592 جوبانىڭ قۇرىلىس-جوندەۋ جۇمىستارى اتقارىلىپ، ءتاۋىر دەڭگەيدەگى جولداردىڭ كولەمى 1786 شاقىرىمعا جەتكەن.