بۇگىنگى ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا وڭىرلەردىڭ 2021-2022 جىلدارداعى جىلۋ بەرۋ ماۋسىمىنا دايىندىق جۇمىستارى پىسىقتالدى. سەلەكتورلىق رەجيمدە وتكەن وتىرىسقا شىمكەنت قالاسىنىڭ اكىمى مۇرات ايتەنوۆ، ورىنباسارلارى مەن بارلىق باسقارما باسشىلارى قاتىستى.

ايماقتارداعى دايىندىق بارىسى جونىندە بايانداعان ق ر ەنەرگەتيكا ءمينيسترى ماعزۇم مىرزاعالييەۆ شىمكەنتتەگى ءبىلىم بەرۋ، دەنساۋلىق ساقتاۋ نىساندارىنىڭ الداعى جىلىتۋ ماۋسىمىنا 100 پايىز دايىن ەكەندىگىن ايتتى.

قالادا ورتالىقتاندىرىلعان جىلۋ جۇيەسىنە قوسىلعان 1 945 كوپقاباتتى تۇرعىن ءۇي بار. ونىڭ 1 847ء-سى، ياعني 95%-ى جىلۋ ماۋسىمىنا دايىن. قالعان تۇرعىن ۇيلەردە دايىندىق جۇمىستارى جالعاسىپ جاتىر. ال، الەۋمەتتىك نىساندار – ءبىلىم (256)، دەنساۋلىق ساقتاۋ (109)، سپورت (33)، جۇمىسپەن قامتۋ (14) نىساندارى تولىعىمەن دايىن.

«قۋاتجىلۋورتالىق-3» مكك-نا قاراستى 12 دانا جىلۋ قازاندىعى، 17 سورعى ستانسالارى 100% جىلۋ ماۋسىمىنا دايىن. «ك-19»، «پمك-49» قازاندىقتارىنا قاجەتتى 1،1 مىڭ توننا كومىر تاسىمالدانعان.

شىمكەنتتەگى جىلۋ جۇيەلەرىنىڭ توزۋ دەڭگەيىن تومەندەتۋ ماقساتىندا بيىل 29،5 شاقىرىم جىلۋ جۇيەلەرىنە اعىمداعى جوندەۋ جۇمىستارى جۇرگىزىلۋدە. بۇگىنگى تاڭدا ونىڭ 28،4 شاقىرىمىندا جوندەۋ جۇمىستارى اياقتالدى. بۇل 96% قۇراپ وتىر، قازان ايىنا دەيىن جۇمىستار تولىعىمەن اياقتالادى.

قالا تۇرعىندارى جىلۋ ماۋسىمىندا 77،6 مىڭ توننا كومىردى قاجەت ەتەدى. قازىرگى ۋاقىتتا قويمادا 56 مىڭ تن. كومىر بار (72%). الايدا، تۇرعىنداردىڭ قاجەتتىلىگىنە قاراي كومىر تاسىمالداناتىن بولادى.

ينفراقۇرىلىم جۇيەلەرىنىڭ: تابيعي گاز - 100%، ەلەكتر – 90%، اۋىز سۋ – 85% دايىن.