پەنتاگوننىڭ بۇرىنعى باس وفيسەرى نيكوليا چايلاننىڭ ايتۋىنشا، جۇڭگو جاساندى ينتەللەكت سالاسى بويىنشا اقش-تان اسىپ كەتتى.
لوندوندا شىعاتىن "Financial Times" گازەتىنە بەرگەن سۇحباتىندا "ءبىز 15-20 جىلدان كەيىن قىتايمەن باسەكەلەسىپ جەڭەتىن مۇمكىندىگىمىز قالمايدى" دەدى چايلان.
ونىڭ پىكىرىنشە، قازىرگى كەزدىڭ وزىندە اقش پەن جۇڭگو اراسىنداعى باسەكەدە كىمنىڭ جەڭگەنى انىق. ول بەيجىڭ مەن ۆاشينگتون اراسىنداعى جارىس " الدەقاشان اياقتالدى" دەپ قوستى.
"چايلان قىتايدىڭ جاساندى ينتەللەكت، ماشينالىق وقىتۋ جانە كيبەر مۇمكىندىكتەر سالاسىنداعى جەتىستىكتەرىنىڭ ارقاسىندا جاھاندىق ۇستەمدىككە بەت بۇراتىنىن بولجادى" دەپ جازادى Financial Times.
ول اقش-تىڭ كەيبىر ۇكىمەت ۆەدومستۆولارىنداعى كيبەر قورعانىس قابىلەتىن "بالاباقشا دەڭگەيىندە" دەپ ايىپتادى.
بۇل چايلان پەنتاگوننىڭ باعدارلامالىق قامتاماسىز ەتۋدىڭ ءبىرىنشى باسشىسى قىزمەتىنەن كەتكەننەن كەيىنگى العاشقى سۇحباتى.
پىكىر قالدىرۋ