2021 جىلدىڭ 27-28 قىركۇيەك كۇندەرى ق ر تاۋەلسىزدىگىنىڭ 30 جىلدىعىنا وراي شىمكەنت قالاسى ىشكى ساياسات جانە جاستار ىستەرى جونىندەگى باسقارماسىنىڭ «جاستار رەسۋرستىق ورتالىعى» كمم-نىڭ ۇيىمداستىرۋىمەن «بىركولىك ايسا» دەمالىس اۋماعىندا «شىمكەنت جاستارى ەرىكتىلىك-وزىن-وزى باسقارۋ» تيمبيلدينگ وقۋ جاتتىعۋ لاگەرى وتكىزىلدى.

وقۋ جاتتىعۋ جوباسىنىڭ ماقساتى – جاستار اراسىندا ۆولونتەرلىك قوزعالىسقا دەگەن قىزىعۋشىلىعىن ارتتىرۋ، ۆولونتەرلىك ۇيىمدار اراسىنداعى ارىپتەستىك بايلانىستى نىعايتۋ، قالاداعى ەرىكتى توپتاردىڭ باسىن قوساتىن ورتاق الاڭشا قالىپتاستىرۋ، ولاردىڭ بىلىمدەرى مەن كوشباسشىلىق قابىلەتتەرىن ارتتىرۋ.

اتالمىش جوباعا جوعارعى جانە ورتا ارنۋلى وقۋ ورىندارىنان 150 جۋىق جاس قاتىستى. وقۋ-جاتتىعۋ بارىسىندا جاستارمەن كۆەست ويىندارى، سەمينار-ترەنينگتەر وتكىزىلدى.

سونىمەن قاتار جوباعا قاتىسۋشى جاستارمەن شىمكەنت قالاسى ءماسليحاتىنىڭ حاتشىسى باحادىر نارىمبەتوۆ، شىمكەنت قالاسى ىشكى ساياسات جانە جاستار ىستەرى جونىندەگى باسقارماسى باسشىسىنىڭ ورىنباسارى بەكسۇلتان ءادىلحانوۆ جانە شىمكەنت قالاسى «جاستار رەسۋرستىق ورتالىعى» كمم-نىڭ باسشىسى ەرلان ايتبايەۆپەن كەزدەسۋ كەشى ءوتتى. كەزدەسۋدە قوناقتار مەن جاستار اشىق فورماتتا پىكىر الماسىپ، قىزىقتى سۇراق-جاۋاپتار ايتىلدى. سونىمەن قاتار كەزدەسۋ سوڭىندا قوناقتارعا جوبا قاتىسۋشىلارىنا ارنالعان ارنايى كەپكا مەن فۋتبولكالار تارتۋ ەتىلىپ، ەستەلىككە سۋرەتكە ءتۇستى.

كەزدەسۋدە بارلىق سانيتارلىق — ەپيدەميولوگيالىق تالاپتار ساقتالىپ، بارشا كەزدەسۋگە قاتىسۋشىلار Ashyq قوسىمشاسى ارقىلى كىرگىزىلدى.