پاريج مەرى اننا يدالگو سوسياليستىك پارتيانىڭ اتىنان فرانسيا پرەزيدەنتتىگىنە ۇمىتكەر بولدى. بەيسەنبى كۇنى كەشكە وتكەن پارتيالىق داۋىس بەرۋ ناتيجەلەرى سولاي كورسەتتى.
62 جاستاعى ساياساتكەر فرانسيانىڭ بۇرىنعى اۋىل شارۋاشىلىعى ءمينيسترى مەن لە-مان قالاسىنىڭ مەرى ستەفان لە ءفوللدى جەڭىپ، پرەزيدەنتتىككە ۇمىتكەر اتاندى.
بەيسەنبى كۇنگى پارتيا كونفەرەنسياسىندا سويلەگەن سوزىندە يدالگو ەكولوگيالىق جانە الەۋمەتتىك ماسەلەلەرگە باسا نازار اۋداردى.
ول بارلىق فرانسۋز ايەلدەرىنىڭ داۋىسىن الاتىنىن ايتتى.
يدالگو وتكەن جىلى پاريج مەرى قىزمەتى ءۇشىن قايتا سايلاۋدا جەڭىسكە جەتىپ، ءوزىنىڭ قىزمەتىندە كليماتتىڭ وزگەرۋىنە قارسى ساياساتتارىمەن تانىمال بولعان.
مەردىڭ اۆتوكولىكتەردى پاريجدەن شىعارۋعا تىرىسقان ساياساتتارى داۋ تۋدىرعان.
ول بۇكىل قالا بويىنشا ساعاتىنا 30 شاقىرىم جىلدامدىق شەكتەۋىن ەنگىزگەن جانە 2015 جىلدان بەرى ءپاريجدىڭ ۆەلوجولدار جەلىسىن ەكى ەسەگە ارتتىرعان.
فرانسياداعى پرەزيدەنت سايلاۋى 2022 جىلدىڭ ساۋىرىنە جوسپارلانعان.
پىكىر قالدىرۋ