الماتى. وتكەن دەمالىستا FISU-دىڭ باس حاتشىسى ەريك سەينتروند الماتى قالاسىنىڭ اكىمى باۋىرجان بايبەكپەن كەزدەستى. بۇل تۋرالى «قامشى» پورتالى eurosport-قا سىلتەمە جاساي وتىرىپ حابارلايدى.  جاقىندا تاعايىندالعان اكىممەن الداعى ءىس-ساپارعا بايلانىستى  جۇمىستاردى رەتتەۋ ءۇشىن FISU الدىن الا كەلىسسوزدەر جۇرگىزىپ العاندى قۇپ كورسە كەرەك.  FISU-دىڭ تەحنيكالىق دەلەگاتتارى 12-15 قازان ارالىعىندا الماتىدا بولۋدى جوسپارلاپ وتىر.   الماتىدا جاڭا مۇز ايدىندارى سالىنىپ، سپورتشىلار قالاشىعىنىڭ قۇرىلىسى باستالعانىمەن، سنوۋبوردينگ پەن شاڭعى فريستايلىنا ارنالعان قۇرالداردىڭ اكەلىنۋى ازىرگە جوسپار كۇيىندە تۇر.

قالاشىققا قاتىستى ايتاتىن بولساق، العاشقى پاتەرلەر جاقىن ارادا جابدىقتالىپ، ونداعى جۇمىس جوسپارلانعان مەزگىلىندە، 2016 جىلدىڭ 16-ماۋسىمىندا اياقتالاتىنىندا كۇمان جوق. تاعى ءبىر جاقسى جاڭالىق – ۋنيۆەرسيادا اياقتالعان سوڭ سپورتشىلار قالاشىعى الماتىداعى جوو-دارىنا ستۋدەنتتىك تۇرعىن ءۇي رەتىندە بەرىلەتىن كورىنەدى. يدەيا ينيسياتورلارى قالاشىقتىڭ جەكە تۇلعالارعا ساتىلمايتىنىن ايتتى.

سول كۇن بارىسىندا، FISU-دىڭ باس حاتشىسى قازاقستاننىڭ مادەنيەت جانە سپورت ءمينيسترى ارىستانبەك مۇحاممەدۇلىمەن، سونىمەن قاتار، ءبىلىم جانە عىلىم ءمينيسترى اسلان ءسارىنجىپوۆ مىرزامەن كەزدەستى. ولار ورتالىق ۇكىمەت تاراپىنىڭ الماتىدا قىسقى ۋنيۆەرسيادا وتكىزۋگە دايىن ەكەنىن راستادى. ەكى كەزدەسۋدە دە ساينتروند مىرزانىڭ قاسىندا قازاقستانداعى NUSF پرەزيدەنتى قايرات زاكىريانوۆ پەن باس حاتشى راۋشان قۇلاحمەتوۆا بولدى.

ايتا كەتەيىك، كۆاندجۋدا وتكەن FISU گالا فەستيۆالىندە پروفەسسور زاكىريانوۆ 2013 جىلعى ۋنيۆەرسيادادا «ەڭ ۇزدىك ۋنيۆەرسيتەت» دەگەن اتاقپەن ماراپاتتالعان بولاتىن.

نازگۇل نازار