انكارا. تۇركيا پرەزيدەنتى تايىپ ەردوعان جۇما كۇنى تۇرىك اسكەرىنىڭ 30-دان اسا كۇرد بۇلىكشىلەرىن تالقانداعانىن مالىمدەدى. بۇل تۋرالى «قامشى» پورتالى thestar.com-عا سىلتەمە جاساي وتىرىپ حابارلايدى.

 بۇگىن، ەردوعان پرەزيدەنتتىك سارايدا اۋىل اكىمدەرىنىڭ الدىندا بايانداما جاسادى. ءبىراق ورىن العان وقيعانىڭ ماقساتى نەدە ەكەنىن ايتپاي كەتتى. بۇلىكشىلەردىڭ كۇرد جۇمىسشىلار پارتياسىنىڭ (كجپ) وكىلدەرى ەكەنى انىقتالدى.  ولار تۇركيانىڭ وڭتۇستىك-شىعىسىنداعى شىلدەدە بولعان كۇرد شابۋىلى توقتاتىلعاننان كەيىن،  يراكتىڭ سولتۇستىگىندەگى تاۋلاردا ورنىققان ەكەن.

 «30-دان اسا تەرروريست ءولتىرىلدى»، - دەدى ەردوعان. مۇنىڭ مەملەكەت ءىشى مەنەن سىرتىنداعى قاۋىپسىزدىك وپەراسياسىنىڭ جالعاسى ەكەندىگىن قوسا ايتتى. «قاۋىپسىزدەندىرۋمەن قاتار، ازىرگە وسى ىسپەتتى جاعداياتتار جالعاسىن تابۋى مۇمكىن، ءبىراق بۇل – ولاردىڭ سوڭعى كۇرەسى ەكەنىن ءبىلىپ جۇرىڭىزدەر»، - دەدى ول.

سەيسەنبى كۇنى حاككاري وڭتۇستىك-شىعىس پروۆينسياسىندا قولدان جاسالعان جارىلعىش قۇرالدان ەكى قارۋلى اسكەري قىزمەتشى ءولتىرىلىپ، ۇشەۋى جارالانعان. بۇل تۋرالى اقپارات بەرىلگەن ارىزدا شابۋىلدىڭ كجپ تاراپىنا كىنا تاعىلعان. شابۋىلدان زارداپ شەككەن قارۋلى اسكەر قىزمەتشىلەرى تاعى ءبىر بومبانى قاۋىپسىزدەندىرۋ ءۇشىن ساپەرلار توبىنا كومەككە جىبەرىلگەن قوسىمشا جاردەم-كۇش بولعانى انىقتالعان. 

قارۋلى تۇرىك اسكەرى بۇلىكشىلەرگە قارسى وپەراسيالاردى سەيسەنبى كۇنى باستاعان. باتمان پروۆينسياسىندا جول استىندا ورنالاسقان بومبانىڭ ۇستىمەن ءجۇرىپ وتكەن پوليسيا كولىگى جارىلعان ەكەن. سەنىمدى اقپارات كوزدەرىنە سۇيەنسەك، سالدارىنان ءبىر پوليسيا قىزمەتكەرى ءولىم قۇشىپ، سەگىز ادام جارالانعان. 

 ايتا كەتەيىك، 1990 جىلى كۇشەيە باستاعان كۇرد شابۋىلدارىنان كەيىن، ەردوعان قارسى جاقپەن بىتىمگەرشىلىك پروسەسىن جاساۋعا بەت العان بولاتىن. ءبىراق، سوڭعى ورىن العان وقيعالار ەكى جاقتىڭ ورتاداعى بەيبىتشىلىك كەلىسىمىنىڭ بۇزىلۋىنا الىپ كەلدى. سالدارىنان جۇزدەن اسا قاۋىپسىزدىك قىزمەتكەرى جانە جۇزدەگەن بۇلىكشىلەر قاتارى قازا تاپتى.

ەردوعان كجپ-عا قارسى ترانسشەكارالىق وپەراسيالاردىڭ وتە ناتيجەلى جۇرگىزىلىپ جاتقانىن  اتاپ ءوتتى. ءبىراق، سوزىنە دالەل رەتىندە 2000 بۇلىكشىنىڭ ولتىرىلگەنىن كەلتىرگەننەن باسقا، ناقتىراق اقپارات بەرىپ، توقتالمادى.

نازگۇل نازار