ەل تاۋەلسىزدىگىنىڭ 30 جىلدىعى قارساڭىندا جاڭاوزەن قالاسىندا كيوكۋشينكاي كاراتە-دودان ءىى رەسپۋبليكالىق اشىق تۋرنير ءوتتى. جارىس بالالار مەن جاسوسپىرىمدەر اراسىندا ۇيىمداستىرىلعان. بۇل تۋرالى جاڭاوزەن قالاسى اكىمدىگىنىڭ باسپا ءسوز قىزمەتى حابارلادى.

تۋرنيرگە نۇر-سۇلتان قالاسىنان جانە ماڭعىستاۋ، تۇركىستان، اتىراۋ، الماتى، قىزىلوردا، جامبىل، شىعىس قازاقستان وبلىستارىنان كەلگەن كوماندالار قاتىستى. ناتيجەسىندە ءى ورىندى ماڭعىستاۋ وبلىسى يەلەنسە، ءىى ورىن اتىراۋ وبلىسىنا، ءىىى ورىن شىعىس قازاقستان وبلىسىنا بەرىلدى. قىزىلساي اۋىلىنىڭ № 3 بالالار مەن جاسوسپىرىمدەر سپورت مەكتەبىنىڭ سپورتشىسى امانقان قىدىرجان «ەڭ ۇزدىك سپورتشى» اتاندى. ال، № 1 بالالار مەن جاسوسپىرىمدەر سپورت مەكتەبىنىڭ سپورتشىسى نۇرقوجا قۇلاتايەۆ «ەڭ ۇزدىك تەحنيكا» ماراپاتىنا، اتىراۋ قالاسىنىڭ كيوكۋشينكاي كاراتە-دودان جاتتىقتىرۋشىسى اسلان دۇيسەنباي «ەڭ ۇزدىك تورەشى» اتاعىنا يە بولدى.

-«ءتۋرنيردىڭ باستى ماقساتى - جاس ۇرپاققا سالاۋاتتى ءومىر سالتىن ناسيحاتتتاپ، كيوكۋشينكاي كاراتە-دونى دامىتۋ. مۇنداي دودالار جاستاردىڭ سپورتتىق شەبەرلىگىن شىڭداۋدا ۇلكەن اسەر ەتىپ، ەلىمىزدەگى مىقتى سپورتشىلاردى انىقتاۋعا كومەكتەسەدى»، - دەدى جاڭاوزەن قالالىق كيوكۋشينكاي كاراتە-دو فەدەراسياسىنىڭ ديرەكتورى الدابەرگەن دۇيسەكەنوۆ.

ايتا كەتەيىك، قاراشا ايىندا پولشا رەسپۋبليكاسى كراكوۆ قالاسىندا كيوكۋشينكاي كاراتە-دودان الەم چەمپيوناتى وتەدى. وندا جاڭاوزەن قالاسى № 1 جانە قىزىلساي اۋىلى № 3 بالالار مەن جاسوسپىرىمدەر سپورت مەكتەبىنىڭ سپورتشىلارى ب ا ق سىنايتىن بولادى.