شىمكەنت قالاسىنىڭ تاسساي ەلدىمەكەنىن كارىز جۇيەسىمەن قامتۋ بويىنشا «سارىاعاش امان» ج ش س تاراپىنان بيىل مامىر ايىندا قۇرىلىس جۇمىستارى باستالعان بولاتىن. بۇگىندە قۇرىلىس جۇمىستارىنىڭ 33 پايىزى اياقتالعان. جوبا بويىنشا نىسان قۇرىلىسى 2022 جىلعا وتپەلى.
قازىرگى ۋاقىتتا قۇرىلىس جۇمىسى وندىرىستىك كەستەگە سايكەس اتقارىلۋدا. قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بۋلاتبەكوۆ قۇرىلىس جۇمىستارىنىڭ ساپاسىن باقىلاپ قايتتى.
قالا تۇرعىندارىن ينفراقۇرىلىممەن قامتاماسىز ەتۋ ءۇشىن بۇعان دەيىن تاس توسەلگەن كوشەلەر دە قازىلادى. جاۋىن-شاشىن كەزىندە تۇرعىنداردىڭ ءجۇرىپ-تۇرۋىنا كەدەردى جاساماۋ ءۇشىن مەردىگەر مەكەمە تاراپىنان قايتا قالپىنا كەلتىرۋ جۇمىستارى جۇرگىزىلۋدە.
بۇگىندە تاسساي ەلدىمەكەنىندە بارلىعى 76 كوشەدە كارىز جۇيەسىنىڭ قۇرىلىسى جۇرسە، ونىڭ 38-ىنە تاس توسەلىپ، قايتا قالپىنا كەلتىرىلدى. قالعان كوشەلەرگە قاراتاۋ اۋدانى اكىمدىگىمەن بىرلەسىپ قازان ايىنىڭ سوڭىنا دەيىن، تاس توسەلەتىن بولادى.
پىكىر قالدىرۋ