Nur Otan» پارتياسى شىمكەنت قالالىق فيليالى ءتوراعاسىنىڭ ءبىرىنشى ورىنباسارى بەكتايەۆا جانار الىبەك قىزىنىڭ جەتەكشىلىگىمەن فراكسيا مۇشەلەرى شىمكەنت قالاسى بويىنشا 2021-2025 جىلدارعا ارنالعان سايلاۋالدى باعدارلاماسىنىڭ جول كارتاسىنداعى ءىس-شارالاردىڭ جۇيەلى ورىندالۋىن باقىلاۋ ماقساتىندا قالالىق اۋىل شارۋاشىلىعى جانە ۆەتەريناريا باسقارماسىنىڭ اتقارعان جۇمىسىمەن تانىستى.

ايتا كەتەيىك، اتالعان جول كارتاسىندا 149 ءىس-شارا بار. ونىڭ 70-تارماعىندا الداعى بەس جىل ىشىندە قالادا اۋماعى 136 گەكتار بولاتىن «اگرويندۋستريالدى ايماق» قۇرۋ كوزدەلگەن. ونىڭ ورىندالۋىن قامتاماسىز ەتۋ قالالىق اۋىل شارۋاشىلىعى جانە ۆەتەريناريا باسقارماسىنا جۇكتەلگەن.

اگروينۋدستريالدى ايماقتا اۋىلشارۋاشىلىق ونىمدەرىن تەرەڭ وڭدەيتىن 20 جوبانى جۇزەگە اسىرۋ جوسپارلانعان. بۇل ءۇشىن 40 ملرد. تەڭگەدەن استام ينۆەستيسيا تارتىلىپ، 1 مىڭنان اسا تۇراقتى جاڭا جۇمىس ورنى اشىلادى دەپ جوسپارلانعان.

بيىل جەرگىلىكتى تۇرعىندارعا 205 جۇمىس ورنىن قامتيتىن 4 جوبانى اياقتاۋ مىندەتى تۇر. اعىمداعى جىلدىڭ 9 ايىنىڭ قورىتىندىسى بويىنشا «مارتوبە» تۇرعىن الابىنىڭ ماڭىنان 2 جىلىجاي ىسكە قوسىلىپ، 70-تەن استام ادام جۇمىسپەن قامتىلعان.

«Nur Otan» – ايقىن ماقساتتار مەن ناقتى ىستەر پارتياسى.