بۇگىن «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى شىمكەنت قالالىق فيليالىنىڭ 2021-2025 جىلدارعا ارنالعان سايلاۋالدى باعدارلاماسىنىڭ ورىندالۋىن باقىلاۋ ماقساتىندا فراكسيا جەتەكشىسى بەكايدار تۋلەگەنوۆ «وڭتۇستىك» اەا-دا اتقارىلعان جۇمىستارمەن تانىستى. ورىندالعان جۇمىستاردىڭ بارىسىمەن تانىسۋعا قالالىق كاسىپكەرلىك جانە يندۋستريالدى-يننوۆاسيالىق دامۋ باسقارماسى باسشىسىنىڭ ورىنباسارى جانە قالالىق ءماسليحات دەپۋتاتتارى، فراكسيا مۇشەلەرى ل.سۋلايمانوۆ، ب.قىدىربايەۆ، م.جولدىحودجايەۆتا باردى.

ولار ەڭ اۋەلى «شىمكەنتتىك حيميا كومپانياسى» جشس-نە بەت الدى. جالپى قۇنى 11 ملرد. تەڭگەنى قۇرايتىن بۇل جوبا بويىنشا 170 جۇمىس ورنى قۇرىلعان. جوبانىڭ جىلدىق قۋاتتىلىعى 57 مىڭ توننا متبە.

ودان سوڭ جۇمىسشى توپ وزبەكستاندىق ينۆەستورلاردىڭ قاتىسۋىمەن جۇزەگە اسىپ جاتقان «BAIKRA» ءجشس-نىڭ باسشىسى د. پارپييەۆپەن كەزدەستى. بارلىعى 375 ملن.تەڭگەنى قۇرايتىن جوبا جىل سوڭىنا دەيىن ىسكە قوسىلىپ، 50 جۇمىس ورنى قۇرىلادى.

جۇمىسشى توپ بەت العان كەزەكتى كاسىپورىن «نازار تەكستيل» ج ش س بولدى. جۇمىس ساپارىنىڭ سوڭىندا پارتيالىقتار «Azala Cotton» ءجشس-نىڭ ارالاس ءيىرىمجىپ شىعارۋ جوباسىنىڭ قۇرىلىس بارىسىمەن تانىسىپ، كاسىپورىن باسشىسى بەكەت تۇرسىنحانوۆپەن تىلدەستى. ول جالپى قۇنى 1،96 ملرد. تەڭگەنى قۇرايتىن جوبا اياسىندا 200 ادام تۇراقتى جۇمىسپەن قامتىلاتىنىن ايتتى.

«وڭتۇستىك» ارنايى ەكونوميكالىق ايماعىنىڭ ينۆەستيسيالىق پورتفەلى جالپى قۇنى 125 ملرد.تەڭگە بولاتىن 51 جوبادان تۇرادى. ەگەر جوبالار تولىق ىسكە قوسىلسا 6000-عا جۋىق جۇمىس جۇمىس ورنى اشىلادى. قازىرگى تاڭدا ول جەردە ينۆەستيسيالىق قۇنى 53،9 ملرد.تەڭگەنى قۇرايتىن 26 جوبا ىسكە اسىپ، 2408 تۇراقتى جۇمىس ورنى اشىلعان.