قازگيدرومەت الداعى كۇندەرگە ارنالعان اۋا رايى بولجانىم جاريالادى.

سينوپتيكتەردىڭ مالىمەتىنشە، قازاقستان اۋماعىنان ايازدى تۋدىرعان سۋىق انتيسيكلون بىرتىندەپ شىعا باستايدى.

"ونىڭ ورنىنا قارا تەڭىز اۋداندارىنان جىلى باتىس سيكلونى كەلەدى، ونىمەن جاۋىن-شاشىن (جاڭبىر، قار)، تومەن بۇرقاسىن، كوكتايعاق كۇتىلەدى، سونداي-اق اۋا تەمپەراتۋراسىنىڭ بىرتىندەپ جوعارىلاۋى بولجانادى.. كۇندىز قازاقستاننىڭ سولتۇستىك جارتىسىندا 0-5 گرادۋس جىلۋ، وڭتۇستىكتە 10-15 جىلۋ، تۇركىستان وبلىسىندا 20 گرادۋس جىلۋ بولادى دەپ كۇتىلۋدە. تەك 2 جەلتوقساندا عانا ەلدىڭ باتىس وڭىرلەرىنە كەزەكتى انتيسيكلون اۋىسادى، ونىمەن تەمپەراتۋرانىڭ ازداپ تومەندەۋى كۇتىلەدى: تۇندە 5 گرادۋس ايازدان 5 گرادۋس جىلۋعا دەيىن، كۇندىز 3 ايازدان 5 گرادۋس جىلۋعا دەيىن كوتەرىلەدى. ماڭعىستاۋ وبلىسىندا 10 گرادۋس جىلى، رەسپۋبليكانىڭ سولتۇستىك-شىعىسى مەن وڭتۇستىك وڭىرلەرىندە جاۋىن-شاشىنسىز اۋا رايى بولادى" دەلىنگەن اقپاراتتىق حابارلامادا.