23 قاراشا كۇنى اقتوبە وبلىسىنىڭ اكىمدىگىندە ءوڭىر باسشىسى وڭداسىن ءورازاليننىڭ توراعالىعىمەن اپپاراتتىق جينالىس ءوتتى.
جيىنعا اقتوبە قالاسى مەن اۋدان اكىمدەرى، بارلىق باسقارمالاردىڭ باسشىلارى قاتىستى.
جيىن كەزىندە الدىمەن وڭىردەگى سانيتارلىق-ەپيدەميولوگيالىق جاعداي قارالدى.
وبلىس اكىمى تۇراقتى سانيتارلىق-ەپيدەميولوگيالىق جاعدايعا قاراماستان سانيتارلىق تالاپ شارالارىنىڭ ساقتالۋىن جاپپاي قامتاماسىز ەتۋدى جالعاستىرىپ، حالىققا ەكپە سالۋ قارقىنىن جانداندىرۋدى قاجەت ەكەنىن اتاپ ءوتتى.
بۇدان بولەك، وبلىستىڭ بيىلعى جىلعا ارنالعان الەۋمەتتىك-ەكونوميكالىق دامۋىنىڭ الدىن الا قورىتىندىسى، بيۋدجەتتىڭ يگەرىلۋى مەن اقتوبە قالاسى بويىنشا «Nur Otan» پارتياسىنىڭ سايلاۋالدى باعدارلاماسىنىڭ جول كارتاسىنىڭ جۇزەگە اسىرىلۋى قارالدى.
وبلىس اكىمى ءوڭىردىڭ الەۋمەتتىك-ەكونوميكالىق دامۋىنىڭ ماڭىزدى ماقساتتى ينديكاتورلارىنىڭ قورىتىندىسى بويىنشا جەتىستىكتەرگە بايلانىستى ءبىرقاتار تاپسىرمالار بەردى.
وڭداسىن ورازالين: «ءبىزدىڭ مىندەتىمىز — جىل قورىتىندىسى بويىنشا مەملەكەت باسشىسىنىڭ، ۇكىمەتتىڭ حالىقتىڭ ءال-اۋقاتىن جاقسارتۋعا باعىتتالعان تاپسىرمالارىن ورىنداۋ ءۇشىن بارلىق رەزەرۆتەردى پايدالانۋ»،- دەپ اتاپ ءوتتى.
اقتوبە وبلىسى اكىمىنىڭ باسپا ءسوز قىزمەتى
پىكىر قالدىرۋ