ءوڭىر باسشىسى وڭداسىن ءورازاليننىڭ توراعالىعىمەن وتكەن جيىندا اقتوبە وبلىسىنىڭ COVID-19-عا قارسى ەكپە الۋ بارىسى، جالپىۇلتتىق حالىق ساناعى مەن وبلىس بيۋدجەتىنىڭ يگەرىلۋىنە بايلانىستى سۇراقتار قارالدى.

جيىنعا وبلىس اكىمىنىڭ ورىنباسارلارى، ءبىرقاتار مەملەكەتتىك باسقارمالاردىڭ باسشىلارى، سونىمەن قاتار، اقتوبە قالاسى مەن اۋدان اكىمدەرى ونلاين تۇردە قاتىستى.

ءماجىلىس بارىسىندا وڭىردەگى سانيتارلىق-ەپيدەميولوگيالىق جاعداي، COVID-19-عا قارسى ەكپە الۋ جانە حالىق ساناعىنىڭ ءوتۋ بارىسى تۋرالى وبلىس اكىمىنىڭ ءبىرىنشى ورىنباسارى رۋسلان حامباروۆ بايانداما جاسادى. ونىڭ ايتۋىنشا سوڭعى كۇندەرى وڭىرىمىزدە كوۆيدپەن اۋىرعان ادامداردىڭ سانى ازايىپ، ەپيداحۋال تۇراقتالىپ كەلەدى.

سونىمەن قاتار، جيىن بارىسىندا وبلىستىق قارجى باسقارماسىنىڭ باسشىسى نۇرلىبەك ونەربايەۆتىڭ 2021 جىلعا رەسپۋبليكالىق بيۋدجەتتەن جانە ۇلتتىق قوردان بولىنگەن قاراجاتتاردىڭ يگەرىلۋى تۋرالى  بايانداماسى تىڭدالدى.

ءوڭىر باسشىسى وبلىس اكىمىنىڭ ورىنباسارلارىنا، اقتوبە قالاسى مەن اۋدانداردىڭ اكىمدەرىنە قارجىنىڭ دۇرىس يگەرىلۋى تۋرالى ماسەلەنى ۇنەمى باقىلاۋدا ۇستاۋدى، حالىق ساناعىن ونلاين تۇرىندە تاپسىرۋدى جەدەلدەتۋدى جانە مال ازىعىن دايىنداۋدى قامتاماسىز ەتۋدى ايتىپ ءوتتى.
جيىن سوڭىندا ايماق باسشىسى وبلىستىڭ الەۋمەتتىك-ەكونوميكالىق دامۋىنا، جول قۇرىلىسى قارقىنىن تەزدەتۋگە جانە ت.ب. قاتىستى ءبىرقاتار ناقتى تاپسىرمالار بەردى.