بەيسەنبىدە كييەۆتە ۋكراينا ۇلتتىق عىلىم اكادەمياسىنىڭ 1 مىڭعا تارتا عىلىمي قىزمەتكەرى عىلىمعا قارجىلاي قولداۋ كورسەتۋدى تالاپ ەتىپ، ۇكىمەت ءۇيىنىڭ الدىندا شەرۋ وتكىزدى.
شەرۋشىلەر "عىلىمعا قولداۋ بولماسا، مەملەكەت قۇلايدى"، "عىلىمنان اياعان اقشا بوتەن ەلدىڭ ەكونوميكاسىن دامىتادى" دەگەن پلاكاتتار ۇستاپ شىقتى. ولار ورتالىقتاعى بىرنەشە كوشەنى جاۋىپ، كولىك قوزعالىسىن بىرنەشە ساعاتقا توقتاتىپ تاستادى.
عىلىمي قىزمەتكەرلەر عالىمداردىڭ جالىقىنىڭ تومەندىگىنەن جانە مەملەكەتتەن قولداۋ بولماعان سوڭ ۋكراينادان جاپپاي اقش پەن رەسەيگە كەتىپ جاتقانىن ايتادى.
ۇلتتىق عىلىم اكادەمياسى كاسىپوداعىنىڭ ءتوراعاسى اناتوليي شيروكوۆتىڭ ايتۋىنشا، ۇكىمەت بيىل عىلىم سالاسىنا عالىمدار سۇراعاننان ونداعان ميلليون اقش دولارىنا از قارجى بولگەن.
دەرەككوز: azattyq.org
پىكىر قالدىرۋ