جاقىپ مارابايەۆ ەڭبەك شارتىنىڭ مەرزىمى اياقتالۋىنا بايلانىستى "قازمۇنايگاز" ۇك اق باسقارما ءتوراعاسىنىڭ بارلاۋ جانە ءوندىرۋ جونىندەگى ورىنباسارى قىزمەتىنەن كەتتى، دەپ حابارلادى ۇلتتىق كومپانيانىڭ سايتى.
"قازمۇنايگاز" ۇك اق باسقارما ءتوراعاسى اليك ايداربايەۆ وعان اتقارعان جەمىستى ەڭبەگى ءۇشىن العىسىن ءبىلدىردى. اتاپ ايتقاندا، وپەك+ مىندەتتەرى اياسىنداعى شەكتەۋلەرگە جانە كوروناۆيرۋس پاندەمياسىنىڭ كەرى اسەرىنە قاراماستان مۇناي سەرۆيستىك قىزمەتتەرىنىڭ كولەمى جانە قمگ كومپانيالارى توبىنىڭ ءوندىرۋشى كاسىپورىندارىندا ءوندىرىستىڭ اعىمداعى دەڭگەيى ساقتالدى" دەلىنگەن حابارلامادا.
– سوڭعى ەكى جىل اسا كۇردەلى كەزەڭ بولدى. كوروناۆيرۋس ىندەتى بارلىق سالاعا ءوز زاردابىن تيگىزدى. پاندەميا بۇكىل رەسۋرستاردىڭ جۇمىلۋىن قاجەت ەتىپ، ءارقايسىمىز ءۇشىن ۇلكەن سىناق بولدى. دەگەنمەن جاڭا كەزەڭدەگى ءومىرىمىز بەن جۇمىسىمىز ءبىزدىڭ مىقتى تۇستارىمىزدى انىقتاپ، بۇدان ارعى دامۋ باسىمدىقتارىن ايقىنداۋعا مۇمكىندىك بەردى. ۇلتتىق كومپانيانىڭ ۇجىمىنا جانە "قازمۇنايگاز"-دىڭ بارشا مۇنايشىلارىنا بىرلەسىپ جاساعان جۇمىسىمىز ءۇشىن العىسىمدى بىلدىرەمىن، – دەدى ج. مارابايەۆ.
جاقىپ مارابايەۆ مۇنايشى اۋلەتىنەن شىققان. قىرىق جىلدان استام مۇناي-گاز سالاسىنىڭ جاۋاپتى لاۋازىمدارىندا ەڭبەك ەتتى. ول ءار جىلدارى "قازاقستانكاسپييشەلف" اق باس ديرەكتورى، "قازاقويل" ۇك جاق ۆيسە-پرەزيدەنتى، "قازترانسويل" اق ۆيسە-پرەزيدەنتى، "قازمۇنايگاز" بارلاۋ ءوندىرۋ" اق باس ديرەكتورى، North Caspian Operating Company باسقارۋشى ديرەكتورىنىڭ ورىنباسارى قىزمەتتەرىن اتقارعان.
پىكىر قالدىرۋ