قازاقستاندىق اسكەري قىزمەتشىلەر - ق ر قك اۋە قورعانىسى كۇشتەرى سپورتتىق پاراشيۋتتىك كومانداسىنىڭ وكىلدەرى ازيا چەمپيوناتىمەن ءبىر ۋاقىتتا وتكىزىلگەن ازيا مەن وكەانيانىڭ 17ء-شى چەمپيوناتىنىڭ حالىقارالىق سايىستارىنا جانە اسكەري پاراشيۋتتىك سپورتتان قىتايدىڭ اشىق ۇلتارالىق چەمپيوناتىنا قاتىستى. بۇل تۋرالى قامشى پورتالى قازاقاپارتقا سىلتەمە جاساي وتىرىپ حابارلايدى.

بۇل تۋرالى ق ر قم باسپا ءسوز قىزمەتى حابارلادى.

جۇڭگو حالىق رەسپۋبليكاسىنىڭ تايۋان قالاسىندا اسكەري قىزمەتشىلەر پاراشيۋتتىك سپورتتان قازاقستان رەسپۋبليكاسىنىڭ ۇلتتىق قۇراما كومانداسىنىڭ قۇرامىندا ونەر كورسەتتى. پاراشيۋتتىك كوماندانىڭ باستىعى مايور لەونيد دۋدكيننىڭ باسشىلىق ەتۋىمەن اۋە قورعانىسى كۇشتەرىنىڭ سپورتتىق پاراشيۋتتىك كومانداسى بۇل جارىستاردا قازاقستان رەسپۋبليكاسىن جوعارى دەڭگەيدە كورسەتتى.

سايىسقا الەمنىڭ 14 ەلىنەن جينالعان كوماندالار قاتىستى. ەكى دودادا جارىسقا ءتۇستى. ول: كلاسسيكالىق پاراشيۋتيزم - جەكە سىناقتا جەرگە قونۋ دالدىگىنە ارنالعان سەكىرۋلەر جانە جەكە پاراشيۋتتىك اكروباتيكا، سونداي-اق كۇمبەزدى پاراشيۋتتىك اكروباتيكا (4 ءپاراشيۋتشىنىڭ روتاسياسى).

جۇڭگو مەن ازيا جانە وكەانيا اشىق ۇلتارالىق چەمپيوناتىنىڭ چەمپيوندارى اتاعىن كۇمبەزدى پاراشيۋتتىك اكروباتيكا كومانداسى يەمدەندى. اسكەري قىزمەتشى كاپيتان ازامات ءابدىرايىموۆ، پراپورششيك ارسەنيي تارابايەۆ، ستارشينا اندرەي توميلين، دەنيس نوۆيسكيي جانە ق ر قك قىزمەتكەرى  الەكساندر تەرەنتيەۆ ءبىرىنشى ورىندى قانجىعاسىنا بايلاپ،  IMEKS  سىناعىندا قىتايدىڭ اشىق ۇلتارالىق چەمپيوناتىنىڭ چەمپيوندارى اتاندى.  كوماندا بەس التىن مەدالمەن، ون كۇمىس مەدال جانە ەكى كۋبوكپەن ماراپاتتالدى.  

اتالعان چەمپيوناتتا ق ر قك اۋە قورعانىسى كۇشتەرى پاراشيۋتتىك دايىندىق ورتالىعىنىڭ جەكە قۇرامى كۇمبەزدى پاراشيۋتتىك اكروباتيكا (4 ءپاراشيۋتشىنىڭ روتاسياسى) بويىنشا ازيا جانە وكەانيا چەمپيوناتىنىڭ رەكوردىن ورناتتى. قازاقستاندىق پاراشيۋتشىلەر «كاتاري» كومانداسىمەن جيىرما روتاسيا ورىندادى. وسى فيگۋرانى ورىنداۋ كەزىندە پاراشيۋتشىلەر ءبىرىنىڭ ارتىندا ءبىرى ورنالاسىپ، كەزەكپەن الماسىپ، ورىندارىمەن اۋىسادى. روتاسياداعى جارىستار كەزىندە 4 ءپاراشيۋتشى مەن اۋە وپەراتورىنان قۇرالعان كوماندالار قاتىسادى. بەرىلگەن ۋاقىت شەڭبەرىندە جارىستىڭ بارلىق اينالىمى اياقتالعاننان كەيىن روتاسيانىڭ بارىنشا كوپ سانىن ورىنداعان كوماندا جەڭىسكە جەتەدى.