ەكونوميست، بۇرىنعى ۆيسە-پرەمەر وراز جاندوسوۆ سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ شتاتتان تىس كەڭەسشىسى اتاندى.
"كەيدە ماڭىزدى شەشىم قابىلداۋ ءۇشىن تاجىريبەلى كىسىلەردىڭ كەڭەسى قاجەت بوپ جاتادى. ماعان كەز-كەلگەن ساتتە كونسۋلتاسيا بەرەتىن اسا تاجىريبەلى، ءوزىم ارقا سۇيەيتىن كىسىلەردىڭ ءبىرى وراز ءالي ۇلى جاندوسوۆ. ونىمەن قازپوشتادا جۇمىس ىستەگەندە تانىسقان بولاتىنمىن، ول كەزدە تاۋەلسىز ديرەكتور بولاتىن جانە ديرەكتورلار كەڭەسىنىڭ ءتورايىمى ەلەنا لەونيدوۆنا باحمۋتوۆامەن بىرگە ماعان تاجىريبەلىك تۇرعىدا كوپ قولداۋ كورسەتىپ، باعىت-باعدار جاساعان ەدى. سوندا قۇرىلعان كورپوراتيۆتىك باسقارۋدىڭ ساۋاتتى جۇيەسىن وسىندا، ياعني سدياوم-دە ەنگىزگىم كەلەدى. سوندىقتان مەن ەكونوميكا سالاسىنىڭ مايتالمانى وراز جاندوسوۆقا شتاتتان تىس كەڭەسشى بولۋعا ۇسىنىس جاسادىم. مەنىڭ ۇسىنىسىمدى قابىل العانىڭىز ءۇشىن العىس ايتامىن!" دەلىنگەن ءمينيستردىڭ الەۋمەتتىك جەلىدەگى جازباسىندا.
پىكىر قالدىرۋ