تارازدا قاڭتار وقيعاسى كەزىندە ۇستالعاندارعا سوت جازا كەستى. زاڭ الدىندا 13 ادام جاۋاپ بەردى، دەپ حابارلادى "حابار 24" تەلەارناسى.
ايىپتىلاردىڭ ءبارى شارتتى مەرزىمگە سوتتالعان. ەكەۋىنە 4 جىل، قالعاندارىنا 3 جىل 6 ايدان بەرىلگەن. ولاردىڭ دەنى جۇمىسسىز.
باسىلىم كىنالىلەر قاڭتار وقيعاسى كەزىندە مۇلىكتەردى قيراتىپ، پوليسياعا قارسىلىق كورسەتكەنىن جازادى. ءوق-دارى مەن قارۋ-جاراق ۇرلاعان. ولار سوتتا ءوز ىستەرىنە وكىنەتىنىن ايتقان. سونداي-اق سۋديا ءبارىنىڭ شيەتتەي بالا-شاعاسىنىڭ بارىن ەسكەرىپ، ولاردى سوت زالىندا بوساتقان.
– سوت ۇكىمىمەن جانە پروباسيا قىزمەتىنە جۇكتەلەتىن مىندەتتەردى ورىنداۋعا مىندەتتىسىزدەر. تۇنگى ۋاقىتتا ۇيدە بولۋ كەرەك. جۇمىس، وقۋدان تىس ۋاقىتتا ۇيدە بولۋ كەرەك. قالا، اۋدان اۋماعىنان سىرتقا پروباسيا قىزمەتىنىڭ رۇقساتىمەن عانا شىعۋ كەرەك. ەگەر پروباسيادا ءجۇرىپ، قىلمىستىق قۇقىقتارعا جول بەرسەڭىز مىندەتتەردى، تالاپتاردى ورىنداماساڭىزدار وندا پروباسيا قىزمەتىنىڭ ۇسىنىسىمەن تاعايىندالعان شارتتى تۇردەگى جازا كۇشى جويىلىپ، جازا تولىقتاي وتەلەتىن بولادى، – دەدى №2 تاراز قالالىق سوتىنىڭ سۋدياسى باعدات تورەبەك ۇلى.
پىكىر قالدىرۋ