ەلەكترمەن جابدىقتاۋ سالاسىندا 400 مىڭ تۇرعىندى قامتيتىن 2 قوسالقى ەلەكتر ستانسياسىنىڭ قۇرىلىسى ءجۇرىپ جاتىر. بيىل «الماگۇل» قوسالقى ستانسياسى، 2023 جىلدىڭ شىلدە ايىندا «تۇزدىباستاۋ» قوسالقى ستانسياسى اياقتالادى. بۇل تۋرالى الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە حابارلادى.

سونىمەن قاتار وسى جىلى 138 كم ەلەكتر جەلىلەرى جاڭعىرتىلادى.

«ساپالى سۋمەن قامتاماسىز ەتۋ ماقساتىندا بيىل قارعالى وزەنىندەگى سۋ جيناۋ ستانسياسىنىڭ قۇرىلىسىن اياقتايمىز. جىلدىڭ سوڭىنا دەيىن اقساي وزەنىندەگى سۋ جيناۋ ستانسياسىنىڭ قۇرىلىسىنا كىرىسەمىز جانە ەرمەنساي سۋ قۇرىلىسىنىڭ جوبالىق-سمەتالىق قۇجاتتاما ازىرلەۋدى اياقتايمىز. جاڭا سۋ كوزدەرىن سالۋ قوسىلعان اۋماقتارداعى 150 مىڭنان استام قالا تۇرعىنىن قامتۋدى قامتاماسىز ەتەدى. بيىل شامامەن 110 مىڭ ادامدى قامتي وتىرىپ، ۇزىندىعى 630 كم اساتىن سۋمەن جابدىقتاۋ جانە كاناليزاسيا جەلىلەرىنىڭ 16 وبەكتىسىنىڭ قۇرىلىسى. وسى جىلدىڭ ءى جارتىجىلدىعىندا 45 كم جەلى تارتىلدى. ەكىنشى جارتىجىلدىقتا ۇزىندىعى 371 كم 10 وبەكتىنىڭ قۇرىلىسى تولىعىمەن اياقتالادى. ناتيجەسىندە سۋ قۇبىرى بويىنشا جەلىلەردىڭ توزۋى 55،8%-عا، كاناليزاسيا بويىنشا - 57،5%-عا دەيىن تومەندەيدى»، - دەدى الماتى اكىمى.