سيريالىق سوعىس، ميگراسيالىق داعدارىس، انكاراداعى تەرروريزم جانە ەۋروينتەگراسيامەن كۇرەس – بۇل تۇركيا پرەزيدەنتى رەدجەپ تايىپ ەردوعاننىڭ ەۋروپا جانە جاپونياعا ءىس-ساپارىندا تالقىلاماق ماسەلەلەرىنىڭ تاقىرىپتارى. بۇل تۋرالى «قامشى» پورتالى euronews.com-عا سىلتەمە بەرە وتىرىپ حابارلايدى.

جەكسەنبى كۇنى ستراسبۋرگ قالاسىنا بارعان ەردوعان مىرزانى جەرگىلىكتى حالىق «تەررورعا قارسى بىرگەمىز» دەگەن ۇرانمەن قارسى الدى.

«ءبىزدىڭ قازىرگى باستى ماسەلەمىز – بۇل تەرروريزم، كجپ (كۇرد جۇمىسشىلار پارتياسى) جانە كجپ قولداۋ كورسەتىپ وتىرعان حدپ (حالىقتاردىڭ دەموكراتيالىق پارتياسى) تەرروريستەرى»، - دەدى تايىپ ەردوعان. شەتەلدىك وتانداستارىن جاقىندا وتەتىن پارلامەنتتىك سايلاۋدا ءوزىنىڭ پارتياسىن قولداۋعا شاقىرعان ول: «بۇلىكتى شىعارعاندار ءبىزدىڭ كۇرد باۋىرلارىمىزدىڭ قاتارىندا بولۋعا لايىقسىز»، - دەگەن بولاتىن. ايتا كەتەيىك، تۇركياداعى سايلاۋ 1-قاراشاعا جوسپارلانعان، ءبىراق شەتەلدەگى جاماعاتتىڭ 8-قازاننان باستاپ-اق داۋىس بەرۋىنە بولادى ەكەن.

ميتينگ وتكەن عيماراتتىڭ الدىندا ەردوعاننىڭ ساياسي قارسىلاستارى دا جينالدى. ولار تۇرىك كوشباسشىسىن پرەزيدەنتتىك رەسمي ءىس-ساپارىنىڭ سايلاۋ الدى ۇگىت-ناسيحات رەتىندە پايدالانىلعانى ءۇشىن ايىپتادى.

«ونىڭ بۇل جەرگە كەلۋى تىپتەن ورىنسىز! ەۋروپادا تۇراتىن تۇرىكتەر الدىندا مۇنداي سايلاۋ الدى ميتينگ وتكىزۋگە ونىڭ قۇقىسى جوق!»، - دەدى نارازىلىق اكسياسىنا قاتىسۋشىلارىنىڭ ءبىرى.

تۇركياداعى مەرزىمىنەن ەرتە وتكەلى جاتقان سايلاۋ ەردوعاننىڭ دامۋ پارتياسى مەن ونىڭ ساياسي باسەكەلەستەرى وكىلدىك ەتەتىن ادىلەتتىلىك پارتياسى اراسىندا ءساتسىز اياقتالعان كواليسيالىق كەلىسسوزدەردىڭ سالدارىنان جاريالانعان بولاتىن.

ەردوعاننىڭ تۇركياداعى ازشىلىق ۇلتتاردىڭ قۇقىن قورعايتىن حدپ پارلامەنتىنە ءوتۋى دە ساياسي جۇيەنى پرەزيدەنتتىك جۇيەگە اۋىستىرۋعا جول بەرمەدى. جاڭا سايلاۋدىڭ وتەتىنىن جاريا ەتكەن ول، پارلامەنتتە كوپشىلىك داۋىسقا يە بولىپ، اتا زاڭعا وزگەرىس ەنگىزۋگە ءۇمىتتى.

نازگۇل نازار