ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ مەرەيتويلىق 70ء-شى ماۋسىمىنىڭ اشىلۋىنا قوس بىردەي پرەمەرانى كورەرمەن نازارىنا ۇسىنباق. بۇل تۋرالى «قامشى» پورتالى حابارلايدى
14 قازان، ساعات 16.30-دا تەاتردىڭ جەتىستىكتەرى جانە الداعى 70 جىلدىق مەرەيتوي قارساڭىندا اتقارىلاتىن جوسپارلار جايىندا باسپاسوز-كونفەرەنسياسى وتەدى. كونفەرەنسياعا تەاتر ديرەكتورى – ءسابيت ءابدىقالىقوۆ، كوركەمدىك جەتەكشى – مۇرات احمانوۆ، ادەبيەت ءبولىمىنىڭ مەڭگەرۋشىسى – باقىت بەدەلحان، تەاتر ارتيستەرى روزا اشىربەكوۆا، ليديا كادەن، ەركىن ابدىرەشوۆ، ت.ب. قاتىسادى.
بيىل تەاتر «اسسيتەج» دۇنيەجۇزىلىك اسسوسياسياسىنىڭ قازاقستانداعى ورتالىعى بولىپ جاريالاندى. الەمنىڭ 83 مەملەكەتى قاتىساتىن بۇل ۇيىمعا قازاقستاننىڭ ونەر وشاقتارى 84ء-شى بولىپ قابىلداندى.
تەاتردىڭ شىعارماشىلىق توبى جاس بۋىنمەن تولىقتى. ناقتىراق ايتساق، كورەرمەندەر «جاۋجۇرەك مىڭ بالا» ءفيلمى ارقىلى تانيتىن اسىلحان تولەپوۆ پەن ايان وتەپبەرگەننىڭ ونەرىن جاڭا ماۋسىمداعى قويىلىمداردان تاماشالاي الاسىزدار.
14 قازان – 70ء-شى تەاتر ماۋسىمىنىڭ اشىلۋى.
12.00 – بالالارعا ارنالعان «التىن ءمۇيىزدى كيىك» ەرتەگىسىنىڭ پرەمەراسى. اۆتور جانە رەجيسسەر ە.ابدىرەشوۆ
17.00 – باسپا ءسوز كونفەرەنسياسى
18.30 – قازاق حاندىعىنىڭ 550-جىلدىعىنا ارنالعان م.ماقاتايەۆتىڭ «رايىمبەك! رايىمبەك!» پوەتيكالىق داستانىنىڭ پرەمەراسى.
«التىن ءمۇيىزدى كيىك» (حالىق ەرتەگىلەرىنىڭ ىزىمەن، بالالارعا ەرتەگى)
اۆتورى جانە رەجيسسەرى – ە.ابدىرەشوۆ
ەرتەگىدەگى نەگىزگى كەيىپكەر – ەرتەگىنىڭ ءوزى. عايىپتان كەلگەن كەيىپكەر قازىرگى بالالاردىڭ قيالىنا ەنىپ، ولاردى ەرتەگىلەر الەمىنە ساياحات جاساتادى. شىم-شىتىرىق وقيعالارمەن ارالاستىرىپ، بارلىق ەرتەگىنىڭ تۇپكى ايتار ويىن بىرگە تابۋعا شاقىرادى. ويناقى بولسا دا ويعا جەتەلەي وتىرىپ، بالا كوڭىلىن جاقسى اسەرگە بولەيدى. ەرتەگى ءوز پاتشالىعىنىڭ جارلىعىن جەتكىزۋ ءۇشىن ابدەن اۋرەگە تۇسەدى.
اياعىندا، بارلىق بالالاردى ادامگەرشىلىك پەن مەيىرىمدىلىككە، تابيعات-انانى ايالاۋعا شاقىراتىن جارلىقتى جەتكىزەدى. تاربيەلىك ءمانى ەرەكشە بۇل ەرتەگىنىڭ بۇلدىرشىندەر مەن بالالارعا بەرەرى مول، اسەرى زور.
«رايىمبەك! رايىمبەك!» (پوەتيكالىق تاريحي دراما)
اۆتورى – م.ماقاتايەۆ، رەجيسسەرى مەن ينسەنيروۆكاسىن جاساعان – م.احمانوۆ
ەلىمىزدىڭ ازاتتىعى جولىندا قان كەشىپ، كەڭ بايتاق جەرىمىزدى قورعاعان باتىر-باھادۇرلەرىمىز از ەمەس. قازاق ەلىندە ۇرپاققا تاريحىمىزدان تاعىلىم بەرە الاتىنداي تۇلعالارىمىزدىڭ قاتارىندا قاسقايىپ تۇرار باتىرلارىمىزدىڭ ءبىرى – رايىمبەك. 13 جاسىنان اتقا قونىپ، باتىرلىق پەن اۋليەلىك قاتار دارىعان قاسيەتىمەن تانىلعان باتىردىڭ، بوزبالا شاعىنان جىگىت شاعىنا دەيىنگى ەرلىكتەرىن، ەرەكشەلىكتەرىن سۇبەلى سۋرەتپەن كۇردەلى شيەلەنىستەر ارقىلى ايشىقتايتىن دراما.
«ەلىم-ايلاعان» ەلدىڭ زارىن، «اقتابان شۇبىرىندى»، «زار-زاماننىڭ» ءۇنى، «اقتانداقتاردىڭ» ءىزى، «اشارشىلىق»، ۇلت ءۇشىن قاساقانا جاسالعان قىرعىندار، مىنە، وسىنىڭ ءبارىن ءون بويىنا ارقاۋ ەتكەن «رايىمبەك! رايىمبەك!» سپەكتاكلىنىڭ جۇگى اۋىر ەكەنىن بۇگىنگى ۇرپاق ءبىلۋى ءتيىس.
«قامشى» سىلتەيدى
پىكىر قالدىرۋ