قازاقستان پرەزيدەنتى قاسىم–جومارت توقايەۆ ۇكىمەت مۇشەلەرىن تاعايىنداۋ تۋرالى جارلىققا قول قويدى، دەپ حابارلايدى اقوردانىڭ باسپا ءسوز قىزمەتى.

جارلىققا سايكەس ەنەرگەتيكا مينيسترلىگى مەن سىرتقى ىستەر مينيسترلىگىنىڭ عانا باسشىلارى اۋىسقان.

بۇعان دەيىن "سامۇرىق–قازىنا" قورىن باسقارعان الماسادام ساتقالييەۆ ەنەرگەتيكا ءمينيسترى بولسا، ەنەرگەتيكا مينيسترلىگىنىڭ بۇرىنعى باسشىسى بولات اقشولاقوۆ پرەزيدەنت كەڭەسشىسى بولىپ تاعايىندالدى.

پرەزيدەنت اكىمشىلىگىنىڭ بۇرىنعى باسشىسى مۇرات نۇرتىلەۋ سىرتقى ىستەر ءمينيسترى، سونىمەن قاتار پرەمەر–ءمينيستردىڭ ورىنباسارى اتاندى.

ۇكىمەتتىڭ قالعان مۇشەلەرى ءوز قىزمەتىن ساقتاپ قالدى:

• عالىمجان قويشىبايەۆ – ۇكىمەت اپپاراتىنىڭ باسشىسى، پرەمەر-مينيستردىڭ ورىنباسارى؛

• رومان سكليار – پرەمەر-مينيستردىڭ ءبىرىنشى ورىنباسارى؛

• التاي كولگىنوۆ – پرەمەر-مينيستردىڭ ورىنباسارى؛

• سەرىك جۇمانعارين – ساۋدا جانە ينتەگراسيا ءمينيسترى، پرەمەر-مينيستردىڭ ورىنباسارى؛

• ەرۇلان جاماۋبايەۆ – قارجى ءمينيسترى، پرەمەر-مينيستردىڭ ورىنباسارى؛

• رۋسلان جاقسىلىقوۆ – قورعانىس ءمينيسترى؛

• مارات احمەتجانوۆ – ىشكى ىستەر ءمينيسترى؛

• الىبەك قۋانتيروۆ – ۇلتتىق ەكونوميكا ءمينيسترى؛

• اسحات ورالوۆ – مادەنيەت جانە سپورت ءمينيسترى؛

• ازامات ەسقارايەۆ – ادىلەت ءمينيسترى؛

• تامارا دۇيسەنوۆا – ەڭبەك جانە حالىقتى الەۋمەتتىك قورعاۋ ءمينيسترى؛

• مارات قارابايەۆ – يندۋستريا جانە ينفراقۇرىلىمدىق دامۋ ءمينيسترى؛

• اجار گينيات – دەنساۋلىق ساقتاۋ ءمينيسترى؛

• باعدات مۋسين – سيفرلىق دامۋ جانە اەروعارىش ونەركاسىبى ءمينيسترى؛

• زۋلفيا سۇلەيمەنوۆا – ەكولوگيا جانە تابيعي رەسۋرستار ءمينيسترى؛

• دارحان ءقىدىرالى – اقپارات جانە الەۋمەتتىك دامۋ ءمينيسترى؛

• يۋريي يلين – توتەنشە جاعدايلار ءمينيسترى؛

• ساياسات نۇربەك – عىلىم جانە جوعارى ءبىلىم ءمينيسترى؛

• ەربول قاراشۇكەيەۆ – اۋىل شارۋاشىلىعى ءمينيسترى؛

• عاني بەيسەمبايەۆ – ءبىلىم ءمينيسترى.

ەسكە سالا كەتەيىك، 19 ناۋرىزدا وتكەن پارلامەنت سايلاۋىنان كەيىن قازاقستاننىڭ بۇرىنعى ۇكىمەتى وتستاۆكاعا كەتىپ، ءاليحان سمايىلوۆ پرەمەر–مينيستر لاۋازىمىنا قايتا سايلانعان بولاتىن.