31 قاڭتار كۇنى الماتى قالاسىندا جىل سايىنعى ەلباسى ‒ قازاقستان رەسپۋبليكاسى تۇڭعىش پرەزيدەنتى قورىنىڭ ارنايى سىيلىعىن سالتاناتتى ماراپتاۋ شاراسى ءوتتى. الدىن الا ۇيىمداستىرىلعان بايقاۋعا ەلىمىزدىڭ ءار وڭىرىنەن 100-گە تارتا ۇسىنىس كەلىپ تۇسسە، سونىڭ ىشىندە عىلىم سالاسىنا ۇلەس قوساتىن 7 عىلىمي جوبا اۆتورى مەن 10 مادەنيەت جانە ونەر مايتالماندارى ۇزدىك دەپ تانىلدى. ولاردىڭ اراسىندا مادەنيەت جانە ونەر سالاسىنداعى  جەمىستى ەڭبەگى ءۇشىن "ىسكە ءسات"  باعدارلاماسىنىڭ جۇرگىزۋشىسى اقكەنجە ءالىمجان،   قازاقستاننىڭ زاماناۋي ونەرىنە قوسقان ۇلەسى ءۇشىن  سۋرەتشى باقىت بوبەقانوۆا، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ بەلگىلى ءسوليسى دميتريي سۋشكوۆ، قازاقستاننىڭ حورەوگرافيالىق ونەرىنىڭ دامۋى مەن ساقتالۋى جولىندا ەتكەن ەڭبەگى ءۇشىن  گيمناستتار رۋسلان فايزۋلين ي اندرەي كاناحين ەلباسى ‒ قازاقستان رەسپۋبليكاسى تۇڭعىش پرەزيدەنتى قورىنىڭ ارنايى سىيلىعىمەن ماراپاتتالدى. سونداي-اق، لاۋرەات اتاعىن الەكسەي شاحماتوۆ اقپاراتتىق باعدارلامالار توپتاماسى ءۇشىن يەلەنسە، ارحيتەكتور، «قازاقستان مەملەكەتتىك ارحەولوگيا جانە ەتنوگرافيالىق مۇراجايى» (2006 گ.) اتتى جوباسى ءۇشىن حالىقارالىق ارحيتەكتورلار قوعامى اسسوسياسياسىنىڭ ءى دارەجەلى «گران-پري» يەگەرى قانات كۋرگانوۆتىڭ ەڭبەگى جوعارى باعالاندى. جۇزدەن جۇيرىكتەرگە ءتوس بەلگى تاعىلىپ، اقشالاي سىيلىقتار تابىستالدى.

ايتا كەتۋ كەرەك، 2008 جىلدان بەرى ەلباسى ‒قازاقستان رەسپۋبليكاسى تۇڭعىش پرەزيدەنتى قورى بولاشاعى جارقىن جاس عالىمدار، مادەنيەت جانە ونەر قايراتكەرلەرىن ىنتالاندىرۋ ماقساتىمەن، بايقاۋعا نەگىزدەلگەن ارنايى سىيلىقپەن ماراپاپاتتاپ كەلەدى. بايقاۋ شارتىنا سايكەس، رەسپۋبليكالىق دوداعا قوعام مويىنداعان عىلىمي زەرتتەۋلەر مەن ءارتۇرلى ىزدەنىستەر، شىعارماشىلىق جوبالار مەن باعدارلامالار قاتىسادى. وتكەن 5 جىل ىشىندە 73 سىيلىق تابىستالدى. لاۋرەاتتار اراسىندا ەلىمىزگە بەلگىلى تۇلعالار: ايدا ايۋپوۆا جانە ەرمەك قۇرمانايەۆ سەكىلدى سكريپكاشىلار، اكتەرلەر انۋار نۇرپەيسوۆ پەن اسەل ساعاتوۆا، وپەرا انشىلەرى مەيىر باينەشوۆ پەن اندرەي ترەگۋبەنكو، مەدەت چوتابايەۆ؛ بەلگىلى جاس عالىمدار: الەۋمەتتانۋ عىلىمدارىنىڭ دوكتورى، پروفەسسور گۋلميرا ابديرايىموۆا،ءتىل ءبىلىمى – فيلولوگيا عىلىمدارىنىڭ كانديداتى انار فازىلجانوۆا، تەحنيكا عىلىمدارىنىڭ دوكتورى، پروفەسسور مارات ساتايەۆ سەكىلدى عالىمدار بار.

ەلباسىنىڭ قازاقستان حالقىنا ارنالعان جولداۋىندا: «سىزدەردىڭ جەكە تابىستارىڭىز – اتا-انالارىڭىزدىڭ، تۋىستارىڭىزدىڭ، وتباسىلارىڭىزدىڭ، وتانداستارىڭىز، قالا بەردى بۇكىل وتانىمىزدىڭ تابىسى» دەگەن ەدى. لاۋراەتتار جەڭىسى ەلىمىز ءۇشىن جەمىستى بولعاي.