جەتىسۋ وبلىسى، ەسكەلدى اۋدانىندا سەل بولىپ، 120 اۋلانى جاڭبىر سۋى باسقان. سونىڭ سالدارىنان ەكى ەلدى مەكەندەگى 21 تۇرعىن ءۇي سۋ استىندا قالدى. جەرگىلىكتى تۇرعىنداردىڭ ايتۋىنشا، كوبىنىڭ ءۇيى، كولىگى مەن ءۇي جانۋارلارى سۋ استىندا قالىپ قويعان.
تۇرعىنداردىڭ باسىم بولىگى نەسيەگە باسپانا مەن قۇرال-جابدىق العاندىقتان، جەرگىلىكتى بيلىكتەن بارلىق قاجەتتى كومەكتى بەرۋدى سۇراپ وتىر.
"ءبىر اپتا ىشىندە تاۋەلسىز ساراپشىلاردىڭ كومەگىمەن بارلىق شىعىندى ەسەپتەيتىن كوميسسيا قۇرىلدى. ءبىرىنشى كەزەكتە ۇيلەرى سۋ استىندا قالعاندارعا كومەكتەسەمىز"، - دەدى وبلىس اكىمى تۇرعىندارمەن كەزدەسۋىندە.
ال توتەنشە جاعدايلار مينيسترلىگى جەتىسۋ وبلىسىندا بىردە-بىر ءۇيدى سۋ باسپاعانىن ايتىپ، اكىمدىككە باسقا مالىمەت تاراتتى. ءوڭىر اكىمى بەيبىت يسابايەۆقا دايىندالعان انىقتامالىق اقپاراتتا دەرەك باسقاشا كەلتىرىلگەن.
پىكىر قالدىرۋ