ەلىمىزدە 1 قىركۇيەكتەن باستاپ ستۋدەنتتەردىڭ اي سايىنعى مەملەكەتتىك شاكىرتاقى مولشەرى وسەدى.
ۇكىمەت باسپا ءسوز قىزمەتىنىڭ مالىمەتىنشە، باكالاۆريات ستۋدەنتتەرىنىڭ شاكىرتاقىسى 20%، ماگيسترانتتار مەن دوكتورانتتاردىڭ شاكىرتاقىسى 15%، تجكب ستۋدەنتتەرىنىڭ شاكىرتاقىسى 50% ارتقان.
قاۋلىدا بەلگىلەنگەن شاكىرتاقى مولشەرى تومەندەگىدەي:
- دوكتورانتتارعا (ونىڭ ىشىندە «دەنساۋلىق ساقتاۋ» باعىتى بويىنشا) – 217 500 تەڭگە؛
- دايارلاۋدىڭ «دەنساۋلىق ساقتاۋ» باعىتى بويىنشا رەزيدەنت-دارىگەرلەرگە جانە ماگيسترانتتارعا – 111 579 تەڭگە؛
- ماگيسترانتتارعا – 97 024 تەڭگە؛
- ينتەرندەرگە – 75 890 تەڭگە؛
- جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا دايارلاۋدىڭ پەداگوگيكالىق جانە «دەنساۋلىق ساقتاۋ» باعىتتارى بويىنشا ءبىلىم الاتىن ستۋدەنتتەرگە – 67 200 تەڭگە؛
- دايارلاۋدىڭ پەداگوگيكالىق باعىتتارى جانە «دەنساۋلىق ساقتاۋ» باعىتى بويىنشا ءبىلىم الاتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 41 898 تەڭگە؛
- تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا جۇمىسشى بىلىكتىلىكتەرى بويىنشا وقيتىن ستۋدەنتتەرگە – 32 681 تەڭگە؛
- تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن)، ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 31 422 تەڭگە.
قاۋلى 2023 جىلعى 1 قىركۇيەكتەن باستاپ قولدانىسقا ەنەدى.
پىكىر قالدىرۋ