جىل سايىن بەستىكتىڭ بەل ورتاسىنان كورىنىپ جۇرگەندەردىڭ ءبىرى – جاپون جازۋشىسى حارۋكي مۋراكامي. بىرنەشە جىل بويى ونى الۋى مۇمكىن ۇزدىكتەردىڭ قاتارىنان تابىلىپ، سىيلىقتى يەلەنۋ ءۇمىتى زور بولعانىنا قاراماستان، ىلعي دا جازۋشىنىڭ جولى بولماي كەلەدى. كەنيالىق جازۋشى جانە دراماتۋرگ نگۋگي ۆا تحيونگانىڭ دا الەمگە تانىمال وسى سىيلىقتى الۋعا ءتيىس ۇمىتكەر ۇزدىكتەردىڭ قاتارىندا جۇرگەنىنە دە ءبىراز جىلدىڭ ءجۇزى ءوتتى. بيىلعى جىلى مۋراكامي مەن تحيونگانىڭ جەڭىپ شىعۋ مۇمكىندىگى 6/1 بولىپ باعالاندى. 
امەريكالىق جازۋشى، پۋلتسەر سىيلىعىنىڭ يەگەرى فيليپ روت پەن اقش-تان شىققان تاعى ءبىر قالامگەر ايەل – دجويس كەرول وۋتس تا وسى بەستىكتىڭ ىشىندە. ياعني، بيىل سۆەتلانا الەكسييەۆيچتەن بىرگە وسى بەستىكتىڭ قاتارىندا بولعانداردىڭ بىرەۋى كەلەر جىلى نوبەل سىيلىعىن الىپ قالۋى عاجاپ ەمەس. تانىمالدىعى تۇرعىسىنان مەنىڭ ويىمشا بۇل سىيلىققا وسى بەستىكككە ەنگەندەردىڭ ىشىنەن ونى الۋعا لايىعى - جاپون جازۋشىسى حارۋكي مۋراكامي، ال تالانتى جاعىنان ءسوز جوق امەريكالىق جازۋشى فيليپ روت. ادىلەتتىلىك تۇرعىسىنان باعالاسا نوبەل سىيلىعى بيىل 85 جاسقا تولىپ وتىرعان، سيريالىق اقىن ادونيسكە بۇيىرىپ قالۋى ىقتيمال. ويتكەنى ول 2011 جىلدان بەرى نوبەل سىيلىعىن الۋعا ءتيىس ۇزدىكتەردىڭ قاتارىندا كەلەدى.

امانگەلءدى  كەڭشىلىك ۇلى، Facebook  پاراقشاسىنان  الىندى