"قازاقستان مەن ارمەنيانىڭ ۇقشۇ-دان شىعۋ تۋرالى كەلىسسوزدەر جۇرگىزىپ جاتقانى راس پا؟" دەپ سۇرادى جۋرناليستەر.
ايبەك سمادياروۆ بۇل اقپاراتتى جوققا شىعاردى، دەپ حابارلادى zakon.kz.
"ءيا، ءبىر اگەنتتىكتەن وقىپ قالدىم. ەندى ارىپتەستەردەن ءقازىر انىقتاۋعا تىرىسامىن. قازاقستان ۇجىمدىق قاۋىپسىزدىك شارتى ۇيىمىنان شىققالى جاتىر دەگەن اقپارات تاراپ جاتىر. بۇل شىندىققا جاناسپايدى. ەگەر ارمەنيا ءوز تالاپتارىن بەلگىلەسە، سول ەلدىڭ ءىسى عوي. ول تۋرالى ەشتەڭە ايتا المايمىن. ال ءبىز سول ۇيىمنىڭ شەڭبەرىندە ءالى جۇمىس ىستەپ جاتىرمىز. بىرەر كۇن بۇرىن ۇقشۇ-عا مۇشە ەلدەردىڭ سىرتقى ىستەر مينيسترلەرى وتىرىس وتكىزدى. وندا ولار ۇيىمدى ودان ءارى دامىتۋ جولدارىن، وسى ۇيىم اياسىنداعى ءوزارا ءىس-قيمىلدىڭ تۇرلەرىن تالقىلادى. سوندىقتان ءبىز وسى باعىتتا جۇمىس ىستەپ جاتىرمىز"، - دەدى ءسىم رەسمي وكىلى ايبەك سمادياروۆ.
پىكىر قالدىرۋ