"الماتى قالاسىنىڭ تومەنگى ايماعىنداعى "باراحولكا" بازارىنىڭ جاعدايىن تۇراقتاندىرۋعا ارنايى جۇمىس جۇرگىزىلۋدە"،-  دەپ مالىمدەيدى مەگاپوليستىڭ اكىمى احمەتجان ەسىموۆ بلوگەرلەرمەن وتكەن كەزدەسۋىندە. قالا  باسشىسى:   "ءبىز 2011 جىلدان بەرى وسى "باراحولكا" بازارىنىڭ ماسەلەسىمەن اينالىسىپ كەلەمىز. بازارعا قاتىستى رەسمي ۇكىمدەر، سوتتىڭ شەشىمدەرى،  سانەپيدەمستانسيانىڭ، ءورت ءسوندىرۋشى ورىنداردىڭ  رەسمي شەشىمدەرى  بار. كەيبىرەۋلەردىڭ قارسىلىعىنا  قاراماستان، ءبىزدىڭ جۇمىسىمىز دۇرىس ءجۇرىپ، جاتىر. جۇرتتىڭ  سوزىنە  قاراعاندا بازارداعى  ءورتتى ارنايى  ۇيىمداستىرادى  دەسەدى.  كەيبىرەۋلەرى  اكىمشىلىك   ورتەيدى  دەگەن  قاڭقۋ ءسوز دە تاراتىپ ءجۇر. قاراپ  وتىرساڭىز، كەشەگى  ءورتتى سوندىرۋگە  914 ادام، 113 تەحنيكا جۇمىلدىرىلدى.  مۇنداي  وراسان  زور شىعىن كىمگە  كەرەك؟ اسىلى، بۇل  كوشىرۋگە كەلمەيتىن  جاي عانا  بازار ەدى"،- دەپ  قاداپ  ايتتى.  ونىڭ ايتۋىنشا،  بىلتىرعى  ورتتەن  جاپا  شەككەن  كاسىپكەرلەر  سوتقا  ماتەريالدىق  شىعىنىن  وتەۋ  ءۇشىن ەشقانداي  شاعىم  تۇسىرمەگەن. بازار  باسشىلارى دا سامارقاۋ كۇيدە  جاتىر. ماسەلەن،بازار اۋماعىندا اعىمداعى  جىلى  12  رەت  ءورت بولسا، ال ونداعى جالپى  شىعىن 172 ميلليوندى ەشكىم داۋلامادى. تەكسەرۋ  بارىسىندا،  بازارداعى  تاۋار اينالىمىنىڭ  زاڭعا  قايشى  تۇستارى  كەزدەستى. كەدەندە تىركەلمەگەن، قىتايدان  تىكەلەي كولەڭكەلى  جولمەن  اكەلىنگەن تاۋارلار  دا  بار. كەدەندە  وتە  ۇلكەن  ماسەلە  ءبىرى - زاڭسىز وتۋشىلەر، ەكسترەميستەر. وندا  200-دەن اسا ادام  ەشقانداي قۇجاتسىز  وسى  تىرلىكپەن  اينالىسقان. دەنساۋلىق ساقتاۋ  باسقارماسىنىڭ تەكسەرۋى بويىنشا،  ايەلدەر اراسىنداعى  جۇقپالى  اۋرۋ  الماتى  قالاسىنىڭ  ورتا  ەسەبىنە  قاراعاندا  7-ەسەگە  ارتقان.   قالا اكىمى  بوساتىلۋى ءتيىس ايماقتارداعى كەلىسپەۋشىلىكتەر  تۋرالى: «قارسىلاسۋ بار.  باسپاسوزدە،  دەپۋتاتتار اراسىندا ۇيىمداسقان كەيبىر مۇددەلەردى  جاقتاسۋشىلار تابىلۋدا.  الايدا، باسپا ءسوز ماجىلىسىندە  ايتقانىمداي، ەگەر  ارى  قاراي ءدال وسىلاي  جالعاستىرا  بەرسە، وندا  ولاردىڭ  اتى-جوندەرىن  ايتاتىن  بولامىن. ءبىز كەلىستىك قوي. جانە ولار توقتاتتى. ءبارى  تىنىش، ءبارى  جاقسى"،- دەپ قالا  باسشىسى بەلگىسىز بىرەۋلەرگە سەس كورسەتكەندەي بولدى.   

     ايتا كەتەيىك، كەشە، 5 اقپان  كۇن باراحولكا  بازارى تاعى  ورتەندى.  كونتەينەردەگى شارۋاشىلىق تاۋارلارى ورتكە ورانىپ، اۋماعى 1000-1500 شارشى مەتردى قامتىدى. .  «الاتاۋ-1» بازارى دا  ورتەنۋدىڭ ءسال عانا  الدىندا قالدى. جالپى اۋماعى 400 شارشى مەتر.ءورت  2 ساعاتتا ءسوندىرىلدى. ساۋداگەرلەردىڭ جالپى شىعىندارى ەسەپتەلۋدە. وسىعان  دەيىن  بازار 12 رەت ورتەنگەن. كەيبىر  دەرەكتەرگە  سۇيەنسەك، قالادا جاڭا ينفراقۇرىلىمدى  باستاۋ ءۇشىن،بازار اۋماعىن بوساتۋ كەرەك.