ايتا كەتسەك، 7 اقپاندا تۇركىستان قالاسىندا جانتۇرشىلىك قىلمىس بولدى. جالدامالى پاتەرلەردىڭ بىرىنەن ەكى بالانىڭ دەنەسى تابىلىپ، پوليسيا كۇدىكتى رەتىندە بۇلدىرشىندەردىڭ اناسىن ىزدەستىرىپ جاتقانىن حابارلاعان بولاتىن.  

كتك تەلەارناسىنىڭ حابارلاۋىنشا، جانتۇرشىگەرلىك وقيعا بولعان كۇنى 31 جاستاعى ايەلدىڭ تۋعان كۇنى بولىپتى.

«قىزىلوردا وبلىسىنىڭ تۋماسى تۇركىستانعا قىدىرىپ كەلگەن ەكەن. كيەلى شاحاردا پاتەر جالداپ تۇرعان. شيەلى اۋدانىنداعى پۋشكين اتىنداعى №46 مەكتەپ-ليسەيدە تاربيەشى بولىپ جۇمىس ىستەپ كەلگەن 31 جاستاعى ايەلدىڭ تۇركىستانعا نەگە جانە كىمگە كەلگەنى، ازىرگە بەلگىسىز. ءوزىنىڭ تۋعان كۇنىندە جالدامالى پاتەردە 5 جانە 2 جاستاعى بالالارىن جاستىقپەن تۇنشىقتىرىپ ولتىرگەنىن قۇربىسىنا تەلەفونمەن ايتىپ، ءوزى ءىزىن سۋىتقان»، دەلىنگەن حابارلامادا.

جانتۇرشىگەرلىك وقيعا بويىنشا قىلمىستىق ءىس قوزعالدى.

 «ادام ءولتىرۋ فاكتىسى بويىنشا بارلىق ءمان-جايلاردى انىقتاۋ ماقساتىندا تەرگەۋ جۇرگىزىلۋدە. ءتيىستى ساراپتامالار تاعايىندالدى، كۇدىكتى ايەل قاماۋعا الىندى. ءىستىڭ تەرگەۋ بارىسى مەنىڭ جەكە باقىلاۋىمدا»، دەيدى تۇرىكستان وبلىستىق پد باستىعى مۇرات قابدەنوۆ.