finprom.kz. مالىمەتىنشە، 2023 جىلدىڭ ءۇشىنشى توقسانىندا قازاقستاندىقتاردىڭ اقشالاي تابىسى جان باسىنا شاققانداعى ورتاشا ەسەپپەن 298،2 مىڭ تەڭگەنى قۇرادى، بۇل 2022 جىلدىڭ ءۇشىنشى توقسانىمەن سالىستىرعاندا بىردەن 21،5% كوپ. 2023 جىلدىڭ ەكىنشى توقسانىمەن سالىستىرعاندا ءۇي شارۋاشىلىقتارىنىڭ تابىسى 5،1% ءوستى.

    سالىستىرۋ ءۇشىن: ءبىر جىل بۇرىن جەكە تابىس ءوسىمى ءبىر جىلدا 16،5%، ءبىر توقساندا 3،1% قۇرادى. بۇل رەتتە ينفلياسيا دەڭگەيى 2023 جىلدىڭ ءۇشىنشى توقسانىندا جىلدىق ماندە 12،9% جانە وتكەن توقسانمەن سالىستىرعاندا 1،7% بولدى.

   قازاقستاننىڭ 20 ءوڭىرىنىڭ 9-دا تابىس ورتاشا رەسپۋبليكالىق دەڭگەيدەن جوعارى. ەڭ جوعارى كورسەتكىش استانادا: ورتا ەسەپپەن جان باسىنا شاققاندا 430،3 مىڭ تەڭگە — ءبىر جىل بۇرىنعىدان 27% ارتىق.

   الماتى قالاسى ەكىنشى ورىنعا شىقتى، وندا حالىقتىڭ تابىسى ءبىر جىلدا 34،1% ءوسىپ، 392،1 مىڭ تەڭگەنى قۇرادى. ۇزدىك ۇشتىكتى قاراعاندى وبلىسى اياقتادى: ءبىر ادامعا 379،7 مىڭ تەڭگە، ءبىر جىلدا 14،2% ءوستى. العاشقى بەستىككە شىعىس قازاقستان (361،4 مىڭ تەڭگە) جانە ۇلىتاۋ (353،3 مىڭ تەڭگە) وبلىستارى دا ەندى.

   حالىقتىڭ تابىسى ەڭ تومەن تۇركىستان وبلىسىندا: جان باسىنا شاققاندا 212،5 مىڭ تەڭگە — 2022 جىلدىڭ ءۇشىنشى توقسانىمەن سالىستىرعاندا 35،8% كوپ. ودان كەيىن جامبىل وبلىسى (213،7 مىڭ تەڭگە)، شىمكەنت (221،8 مىڭ تەڭگە)، قىزىلوردا (226،3 مىڭ تەڭگە) جانە جەتىسۋ (227،9 مىڭ تەڭگە) وبلىستارى.

  حالىق تابىسىنىڭ قۇرىلىمىندا 75%-عا جۋىعى ەڭبەكتەن تۇسكەن تابىس: 223 مىڭ تەڭگە — 2022 جىلدىڭ ءۇشىنشى توقسانىمەن سالىستىرعاندا 23،6% ارتىق. ونىڭ 193،6 مىڭ تەڭگەسى جالدامالى جۇمىستان، 29،4 مىڭ تەڭگەسى ءوزىن-وزى جۇمىسپەن قامتۋدان جانە كاسىپكەرلىك قىزمەتتەن تۇسكەن تابىس.

   تابىس قۇرىلىمىندا الەۋمەتتىك اۋدارىمدار 63 مىڭ تەڭگەنى قۇراپ، ءبىر جىلدا 14،3% ءوستى. ونىڭ ىشىندە زەينەتاقى — 50،2 مىڭ تەڭگە، جاردەماقى — 11،5 مىڭ تەڭگە، شاكىرتاقى — 1،1 مىڭ تەڭگە، ااك جانە تۇرعىن ءۇي كومەگى — جان باسىنا ورتاشا ەسەپپەن 198 تەڭگەنى قۇرادى.

    تۋىستارى مەن جاقىندارىنان تۇسكەن ماتەريالدىق كومەك، سونداي-اق اليمەنت ءبىر جىل ىشىندە 24،4% ءوسىپ، 6،9 مىڭ تەڭگەنى قۇرادى. وزگە تابىستار 5،2 مىڭ تەڭگەنى قۇرادى، ونىڭ 1،4 مىڭ تەڭگەسى مەنشىك تابىسى، 3،8 مىڭ تەڭگەسى باسقا دا اقشالاي تۇسىمدەر.