"قازاقستان مەن رەسەي اراسىنداعى ءوزارا قارىم-قاتىناستىڭ بولاشاعى قانداي؟" – دەپ سۇراق قويدى "قازاقپارات" اگەنتتىگىنىڭ باسشىسى اسقار جالدينوۆ.
- وتە جاقسى، باسقاشا ايتا دا المايمىز. ءبىز وتە جاقىن، وداقتاس، ستراتەگيالىق قارىم-قاتىناستامىز. بۇل ساۋدا-ەكونوميكالىق بايلانىستارعا دا قاتىستى، ولار سەنىمدى تۇردە ءوسىپ كەلەدى. جىل سايىنعى اينالىم دەڭگەيى دە وسىنى كورسەتىپ تۇر. ءبىزدىڭ ءوزارا ارەكەتتەسۋىمىزدىڭ كوپتەگەن باعىتى بار. مەن ءتىپتى ءبارىن تىزبەكتەپ ايتىپ تا بىتپەيمىن. بۇعان ەنەرگەتيكا، ونەركاسىپتىك ىنتىماقتاستىق جانە عارىش سالاسى دا كىرەدى. ءبىزدىڭ ورتاق شەكارامىز ۇلكەن. ادامدار دا بىر-بىرىمەن ارالاسادى، - دەدى پۋتين سانكت-پەتەربۋرگتە الەمنىڭ جەتەكشى اقپارات اگەنتتىكتەرى باسشىلارىمەن كەزدەسۋ بارىسىندا سۇراقتارعا جاۋاپ بەرىپ.
رەسەي پرەزيدەنتى رەسەيدىڭ 76 سۋبەكتىسى قازاقستاننىڭ ءتيىستى اۋماقتارىمەن تىكەلەي قارىم-قاتىناستا ەكەنىن ءتۇسىندىردى. ونىڭ ايتۋىنشا، ولاردىڭ جۇمىسى تيىمدىرەك، ويتكەنى ادامدار بىر-بىرىنە سەنەدى.
-شىنىمدى ايتسام، داۋ تۋدىراتىن جانە ءبىزدىڭ قارىم-قاتىناسىمىزدى قانداي دا ءبىر جولمەن قيىنداتاتىن بىردە-بىر ماسەلەنى كورىپ تۇرعان جوقپىن، - دەپ ءتۇسىندىردى رەسەي پرەزيدەنتى.
پىكىر قالدىرۋ