(باسپاسوزگە شولۋ)

    سوچيدەگى  22ء-شى  قىسقى وليمپيادانىڭ  باستالعانىنا  بۇگىن  ءۇشىنشى  كۇن.  قازاقستان  قۇراماسىندا 52 سپورتشى سپورتتىڭ   ال، قۋانتارلىق جايت ەلىمىزدىڭ  سپورت كوستيۋمى ۇزدىكتەر  قاتارىنان  كورىندى. Sports.ru رەسەي پورتالى وليمپيادا ويىندارىنىڭ اشىلۋ سالتاناتىنداعى ەڭ ۇزدىك  9 ەلدىڭ ىشىندە، قازاقستاندىق وليمپياداشىلاردىڭ كيىمدەرى دە اتالعان. رەيتينگكە سايكەس، كورەرمەندەرگە بەرمۋد، كايمان ارالى، شۆەسيا قۇراماسىنىڭ شولاق شالبارلارى، گەرمانيانىڭ ءتۇرلى-تۇستى كيىمدەرى ۇناعان. قۇلاقشىن كيگەن ۇلىبريتانيا قۇراماسى، جاڭا زەلانديانىڭ تەرى تون جامىلىپ شىققان تۋ ۇستاپ شىققان سپورتشىنىڭ كەلبەتى كورەرەمەندى تارتا بىلگەن. فاۆوريتتەر تىزىمىندە قازاقستاننىڭ كوك تۋىمەن تۇستەس كوستيۋمدەرى، اقش قۇراماسىنىڭ جۇلدىزدى-جولاقتى كيىمدەرى جانە تونگا قۇراماسىنىڭ جالعىز وكىلىنىڭ فورماسى دا كورەرەمەن كوزىنە تۇسكەن.

    ازىرگە، سپورتشىلارىمىزدىڭ  اۋىز تولتىرىپ ايتارلىق جەتىستىك  جوق.

كەشە 9 اقپاندا قازاقستاندىقتار سپورتتىڭ ءۇش ءتۇرى بويىنشا سىنعا ءتۇستى. ءۇمىت ارتقان  بياتلونشىمىز بياتلوننان ەلەنا حرۋستاليەۆا ۆانكۋۆەردەگى ەرلىگىن قايتالاي المادى. ءتىپتى ماڭايلاي العان جوق.ول (+2:22.8) 57ء-شى ورىندا قالدى. باسقا دا قازاقستاندىقتار — داريا ۋسانوۆا  58ء-شى، گالينا ۆيشنيەۆكايا — 64ء-شى، مارينا لەبەديەۆا  - 73ء-شى ورىندى قاناعات تۇتتى،. تاۋ شاڭعىسىنان يگور زاكۋردايەۆ 33ء-شى ورىن الىپ، فينالعا وتە المادى، دەپ  حابارلايدى alaman.kz.

ال،  بۇگىن 10 اقپاندا سوچيدەگى XXII قىسقى وليمپيادا ويىندارىندا قازاقستاندىقتار سپورتتىڭ 5 ءتۇرى بويىنشا قاتىسادى، دەپ حابارلايدى قازاقپارات ءتىلشىسى. وليمپيادانىڭ تاعى ءبىر كۇنى قازاقستاندىقتار ءۇشىن شورت-ترەك جارىسىنان باستالادى. 1500 قاشىقتىققا جۇگىرۋدەن ەكى سپورتشىمىز قاتىسادى. ولار: 20 جاسار ايدار بەكجانوۆ بقو-دان جانە 18 جاسار دەنيس نيكيشا قوستاناي وبلىسىنان. ولارعا 36 سپورتشى قارسى تۇرماق. جانكۇيەرلەر وليمپيادا پاركىندە "ايسبەرگ" قىسقى سپورت سارايىندا 15:45-تە جينالادى. 16:27-دە باستالاتىن 500 مەترلىك جۇگىرۋدى بقو تۋماسى كونكيمەن جۇگىرۋشى يننا سيمونوۆا جالعاستىرادى. ونىمەن بىرگە 32 سپورتشى ءوز باعىن سىنايدى.

500 مەتر قاشىقتىقتاعى جارىستا قازاقستاندىق كونكيمەن جۇگىرۋشى 22 جاسار رومان كرەچپەن بىرگە 40 سپورتشى باسەكەگە تۇسەدى. جارىس 19:00-دە «ادلەر-ارەنا» كونكيمەن جۇگىرۋ ورتالىعىندا وتەدى. كەشكى ساعات توعىزدا تاۋ شاڭعىسى مەن بياتلون جارىسىنا ارنالعان «لاۋرا» كەشەنىندە بياتلون سايىسىنا (12،5 قاشىقتىق) شقو تۋماسى يان ساۆيسكيي مەن سەرگەي ناۋميك قاتىسادى. مەدالدى ەسەپ مارافونىنا بارلىعى 60 سپورتشى شىعادى. «سانكي» شاڭعى سپورتى ورتالىعىندا 20:45-تە 18 جاسار ەليزاۆەتا اكسەنوۆا ەسىمدى وتانداسىمىز ءوز كۇشىن سىناپ كورمەك. ونىمەن بىرگە 31 سپورتشى قاتىسادى. تاعى 3 شىعىس قازاقستاندىق سپورتشىمىز ساعات 20:00-دە ««روزا حۋتور» ەكستريم-ساياباعىندا موگۋل سپورت ءتۇرى بويىنشا جارىس جولىنا شىقپاق. ولار: 25 جاسار دميتريي رەيحەرد، 17 جاسار پاۆەل كولماكوۆ جانە 28 جاسار دميتريي بارماشوۆ. جارىس ۋاقىتتارى استانا ۋاقىتىمەن بەرىلگەن.

ايتا  كەتۋ كەرەك،  قازاقستان بۇل وليمپيادادا  باعى  جانعان  سپورتشىلارعا  ۇلكەن كولەمدە سىياقى ۇسىنىپ  وتىر.  التىن مەدەل اكەلگەن قازاقستاندىق سپورتشىلارعا 250 مىڭ دوللار سىياقى تولەنەدى. سونداي-اق كۇمىس مەدال يەگەرى 150 مىڭ دوللار، ال قولادان القا تاققان سپورتشى 75 مىڭ دوللار كولەمىندەگى  سىياقىعا يە بولادى. پاتريوتتىق  رۋح  كەرنەپ،  سىياقى ۇمتىلىس بولىپ،  سپورتشىرىمىز  دودادا جۇزدەن جۇيرىك  شىعارىنا سەنىمىمىز  مول...