7 اقپان كۇنى جۋرناليستيكا فاكۋلتەتىندە اقىن مۇقاعالي ماقاتايەۆ شىعارماشىلىعىنا ارنالعان «جىرلاپ كەلدىم ومىرگە...» اتتى ادەبي-درامالىق كەش ءوتتى.  كەش بارىسىندا قازاق پوەزياسىنىڭ كوگىنە قاناتتى جىرلارىن قالىقتاتقان، ءحانتاڭىردىڭ مۇزبالاعى، مۇقاعالي اقىننىڭ ەل مەن جەر، ماحاببات جايلى ولەڭدەرى وقىلىپ، «اققۋلار ۇيىقتاعاندا» پوەماسىنا  كومپوزيسيالىق كورىنىس قويىلدى.  1-كۋرس ستۋدەنتى تولەپبەرگەن ەلامان «ارىز جازىپ كەتەيىن» ولەڭىنىڭ جەلىسىمەن مۇقاعالي ءرولىن سومداۋى ءساتتى، ءارى تارتىمدى كەيىپكەر بەينەسىن بەرە ءبىلدى.

اقىنىڭ  شىعارماشىلىعى مەن ءومىر جولى تۋرالى دەرەكتى فيلم كورسەتىلىپ، كورەرمەندەرگە قىزىقتى سۇراقتار قويىلدى. سونىمەن قاتار دومبىرامەن اقىننىڭ بالىمبەتوۆ بوكەنباي «ەسىڭە مەنى العايسىڭ» ءانىن، ال اققايىر جادىرا «سارجايلاۋ» ءانىن ناقىشىنا كەلتىرە ورىندادى.

كەش سوڭىندا فاكۋلتەت دەكانى، پروفەسسور ءو.ءابديمان ۇلى كەشتى ۇيىمداستىرۋشى ءبىرىنشى كۋرس ستۋدەنتتەرىنە العىسىن ءبىلدىرىپ، رۋحاني مۇرالارىمىزدى ءاردايىم قادىرلەپ، قاستارلەپ ءجۇرۋ قاجەتتىگىن ايتىپ، جاستارعا شىعارماشىلىق شابىت تىلەدى. كەشكە قاتىسقان كافەدرا مەڭگەرۋشىلەرى گ.سۇلتانبايەۆا، س.مەدەۋبەك ۇلى، كۋراتور-ەدۆايزەر ب.اسەمبايەۆا دا رۋحاني-شىعارماشىلىق كەشكە قاتىسۋشى تالانتتى ستۋدەنتتەرگە تەك ساتتىلىك تىلەدى.

شوقتىعى بيىك شىعارماشىلىق شىڭىنا قاراپ بوي تۇزەگەن جاس اقىنداردىڭ قالامى قارىمدى بولسىن دەمەكپىز!

ءالىمجانوۆا ايگەرىم،

جۋرناليستيكا فاكۋلتەتىنىڭ وقىتۋشىسى