"Wi-Fi جەلىسىن قولدانىڭىز": سيفرلىق دامۋ ءمينيسترى ينتەرنەت ساپاسىنا كوڭىلى تولمايتىندارعا كەڭەس بەردى

/image/2024/11/21/crop-39_0_316x561_66cb1c0b2265c.jpeg

ءمينيستردىڭ ايتۋىنشا، ۇكىمەت ەركىن نارىقتا باعانى رەتتەي المايدى. بۇعان كاسىپكەرلىك كودەكسپەن تىيىم سالىنعان. ونىڭ ۇستىنە ۇيالى بايلانىس وپەراتورلارى كوممۋنيكاسيانى جاقسارتۋعا قىرۋار قارجى سالۋعا ۋادە بەردى. سوندىقتان مەملەكەت ولارعا تاريفتەردى كوتەرۋگە تىيىم سالا المايدى دەيدى.

"مۇنداي تىيىم سالۋ مۇمكىن ەمەس. ايتپەسە ولار قالاي ينۆەستيسيا سالادى؟ ولار بازالىق ستانسيالار مەن انتەننالىق دىڭگەك قۇرىلىمدارىنا كوپ ينۆەستيسيا سالادى. Beeline-مەن ولار الداعى بەس جىلدا ميلليارد دوللار ينۆەستيسيالايدى دەگەن كەلىسىمگە قول قويدىق. مۇمكىن ءسىز كوپ ترافيكتى پايدالانىپ جاتقان شىعارسىز؟ Wi-Fi بار جەردە Wi-Fi جەلىسىنە قوسىلۋدى ۇسىنامىن. مەن دە سولاي ىستەيمىن"، – دەدى مينيستر.

مينيستر قازاقستاندىقتاردى جوعارى ساپالى ينتەرنەتپەن قامتاماسىز ەتۋگە ۋادە بەردى. 

"تالاپ ەتىپ وتىرعانىڭىز وتە دۇرىس. ءبىز دە ۇكىمەت رەتىندە تالاپتى كۇشەيتىپ جاتىرمىز. ءتىپتى، ءقازىر سەكۋندىنا مەگابيت سانى بويىنشا ەڭ تومەنگى دەڭگەيدى كوتەرىپ جاتقانىمىزدى بۇعان دەيىن دە ايتتىم"، – دەدى ول.

پىكىر قالدىرۋ

قاتىستى ماقالالار