ۇكىمەت جەزقازعان قالاسىنداعى شارۋاشىلىق-اۋىز سۋ تازارتۋ قۇرىلىستارىن قايتا جاڭعىرتۋ ءۇشىن رەسپۋبليكالىق رەزەرۆتەن 1،8 ميلليارد تەڭگە كولەمىندە قاراجات ءبولدى. بۇل قارجى تازارتۋ جۇيەسىنىڭ ەكىنشى كەزەڭىن ىسكە اسىرۋعا باعىتتالعان. جوبا اياسىندا تاۋلىگىنە 124 مىڭ تەكشە مەترگە دەيىن سۋ تازارتۋعا مۇمكىندىك بەرەتىن زاماناۋي مەمبرانالىق جابدىق ورناتىلىپ، قولدانىستاعى نىساندار تولىق رەكونسترۋكسيادان وتەدى.

قالانىڭ نەگىزگى سۋ كوزى — كەڭگىر سۋ قويماسى. سۋ تازارتۋ نىساندارى 1966 جىلى پايدالانۋعا بەرىلگەن، ال بۇگىندە ولاردىڭ جابدىقتارى مەن تەحنولوگيالارىنىڭ توزۋ دەڭگەيى 90 پايىزعا جەتكەن.

رەسمي مالىمەت بويىنشا، جوبا جەزقازعاننىڭ 98،6 مىڭ تۇرعىنى ءۇشىن سانيتارلىق-گيگيەنالىق ءومىر ساپاسىن ارتتىرۋعا، سونداي-اق الەۋمەتتىك جانە ەكولوگيالىق جاعدايدى جاقسارتۋعا مۇمكىندىك بەرەدى.