اقپان ايىنىڭ 20،21، 22  كۇنى  ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا مۇزبالاق اقىن  مۇقاعالي ماقاتايەۆقا  ارنالعان  جاڭا قويىلىم «مەن، ۇمىتىلمايمىن!» ليريكالىق دراماسىنىڭ تۇساۋكەسەرى بولادى.

   سپەكتاكلدىڭ قويۋشى رەجيسسەرى قازاقستاننىڭ ەڭبەك سىڭىرگەن ءارتيسى، «قۇرمەت» وردەنىنىڭ يەگەرى بالتاباي سەيىتمامىت ۇلىنىڭ پىكىرىن بىلگەن ەدىك: "جالپى، مۇقاعاليدى وقىمايتىن قازاق جوق، ءالى كۇنگە دەيىن قازۇۋ ۋنيۆەرسيتەتىندە مۇقاعاليدىڭ فاناتتارى بار، سول تۋرالى ولەڭ جازىپ،  ولەڭ جاتتاپ جۇرگەن جاستار كوپ. مەنىڭ ايتايىن دەگەنىم بۇل سپەكتاكلدە – ءومىرىنىڭ سوڭعى ساتتەرى سۋرەتتەلەدى. ونىڭ قاسىندا جۇرگەن مۋزاسى، اكەسى، قاراكيىمدى، دوستارى بەينەلەنەدى. ءوزىنىڭ ءومىرىنىڭ سوڭعى ۋاقىتتارىندا ەسەپ بەرىپ بەرىپ وتىرعان سياقتى: «مەن نە ىستەدىم؟» دەگەن سۇراققا جاۋاپ ىزدەيدى. ەشكىمدى كىنالامايدى، ءبارىن وزىنەن كورەدى.  جاقسى مەن جاماندى، ادال مەن ارامدى شاتاستىرىپ جۇرگەن ءوزىم، اتتەڭ كەش دەپ وكىنەتىنى بار. بۇل جەردە باستى كەيىپكەرلەر مۇقاعالي، دارىگەر، مەدبيكە. مۇقاعاليدىڭ ايتىپ كەتكەن ءسوزى ەسىمە ءتۇسىپ وتىر: «مەنى ءقازىر تۇسىنەتىن كىم بار، بىلمەيمىن ونى، مەن ءححى عاسىردىڭ قۇرداستارىمىن، ال ءححىى عاسىردا مەن ولارعا تۋىس بولىپ كەلەمىن» ،- دەگەن.

كەشەگى دۇنيەدەن وتكەن فاريزا وڭعارسىنوۆا اپامىزدا مۇقاعاليدىڭ مۇڭىن تىڭداپ، مۇقاعاليدى جىرلاپ كەتكەن اقىن اپامىز. ءبىزدىڭ ماقسات - مۇقاعاليدى قايتا ءتىرىلتۋ، قايتا جاندىرۋ، حالقىمەن قاۋىشتىرۋ، سويلەتۋ، ۇندەستىرۋ.

ال، مۇقاعالي رولىندە وينايتىن اكتەر بەيبىت كامارانوۆ بىلاي دەيدى: 

مۇقاعالي ماقاتايەۆتىڭ ءومىرىن 1،5 جارىم ساعاتقا سىيدىرۋ مۇمكىن ەمەس. بالتاباي سەيىتمامىت ۇلى اعامىزدىڭ الىپ وتىرعان تاقىرىبى – مۇقاعاليدىڭ سوڭعى كۇندەرىنىڭ ءبىر كۇنىن كورسەتۋ. ول ءبىر ساعاتتىق بولۋى مۇمكىن، 5 مينۋتتىق بولۋى مۇمكىن نەمەسە جاي ويلانىپ كەتۋى مۇمكىن تاقىرىپتا الىنعان نارسە، مىنە سوعان مەن بارىنشا ات سالىسۋ ۇستىندەمىن. ءبىراق ءبارى ەمەس، سول ارقىلى اقىننىڭ وتكەن ءومىرىن ساحنالىق قويىلىم ارقىلى بەرىپ كورسەك دەگەن وي. مۇندا تەك قانا ءوزى تۋرالى، ءوزىنىڭ ويلارى حالىققا، دوستارىنا. ەكى كەيىپكەر عانا بار: قارا كيىمدى مەن مۋزاسى. ال، مەن ءۇشىن مۇقاعاليدى ويناۋ وتە قيىنعا تۇسپەك. بۇگىنگى كەزدە دايىندىق ۇستىندەمىز، تۇساۋكەسەر كەزىندە حالىق باعاسىن بەرە جاتار دەيمىن. ۋاقىتىندا كورە جاتارسىز دەگەن ويدامىن.

گۇلناز ءادىلعالي قىزى