الماتى. قازاقپارات - تۇرعىن ءۇي قۇرىلىس جيناق بانكى دەپوزيتتەگى سوماسى 1 ملن تەڭگەدەن اساتىن سالىمشىلارعا وتەماقىنى ءوز تابىسىنىڭ 35%-ىنان ءبولۋدى شەشتى.
 بۇل مالىمدەمەنى  بۇگىن «تۇرعىن ءۇي قۇرىلىس جيناق بانكى» اق باسشىلىعى بۇگىن وتكەن باسپا ءسوز ءماسليحاتى بارىسىندا ءمالىم ەتتى.

بانك باسشىلىعىنىڭ ايتۋىنشا، بانكتە ءقازىر دەپوزيت سوماسى 1 ملن تەڭگەدەن اساتىن 57 مىڭ كەلىسىم بار. كەلىسىمدەردىڭ جالپى قۇنى 114 ملرد تەڭگە. وتەماقىنىڭ جالپى كولەمى 40 ملرد تەڭگە بولدى. ال، 1 ملن تەڭگەگە جەتپەيتىن سالىم بويىنشا 435 مىڭ كەلىسىم بار. ولاردا 66 ملرد تەڭگە ساقتالعان.

بۇل سالىمشىلاردىڭ تەڭگە باعامىنىڭ وزگەرىسىنەن كورگەن شىعىنى ق ر ۇلتتىق بانك سحەماسى بويىنشا وتەلەتىن بولادى. وتەماقىعا جالپى 20،9 ملرد تەڭگە بولىنەدى.

«تۇرعىن ءۇي قۇرىلىس جيناق بانكى» اق باسقارما ءتوراعاسىنىڭ ورىنباسارى ەربول قاراشۇكەيەۆتىڭ ايتۋىنشا، بانك ءىرى سالىمشىلاردىڭ شىعىنىن وتەۋگە ءوز تابىسىنىڭ 35 پايىزىن باعىتتاۋدى ۇسىنىپ وتىر.

«تامىزدىڭ 18-ىنەن 20-سىنا دەيىنگى ارالىقتاعى كۋرس ساقتالادى. ميلليون تەڭگەدەن از سالىمدارعا كەلسەك، شوتىندا ءۇش مىڭ تەڭگە بار سالىمشىلار وتەماقى تالاپ ەتپەس ءۇشىن ەڭ مينيمالدى كۋرس باعامىن الامىز»، - دەدى ە.قاراشۇكەيەۆ.

ايتا كەتۋ كەرەك، وتەماقى تولەۋ تەتىكتەرى تۋرالى جوبا ءقازىر ق ر ۇكىمەتىنىڭ قاراۋىندا جاتىر. جوبا بەكىتىلگەن سوڭ بانك بارلىق سالىمشىلارعا اقپارات بەرەتىن بولادى. سونداي-اق، كليەنتتەر ءۇشىن e-gov پورتالىندا ونلاين رەجىمدە ءوتىنىش بەرۋ ءۇشىن قىزمەت ءتۇرى اشىلدى. وتەماقى الۋ ءۇشىن قوسىمشا شوت اشۋدىڭ قاجەتى جوق. ايىرباس باعامى دەپوزيت جىل بويى ساقتالعان جاعدايدا شوتقا اۋدارىلادى.

بۇعان دەيىن بانكتىڭ جەكەمەنشىككە بەرىلەتىنى جايلى حابارلانعان ەدى. 

جىلدىڭ سوڭىنا دەيىن ۇكىمەت پەن «بايتەرەك» حولدينگى بانك اكسياسى پاكەتىنىڭ ءبىر بولىگىن جەكەشەلەندىرۋ بويىنشا ەڭ وڭتايلى جوسپار جاساپ شىعارماق.

ءقازىر بانكتە 552 889 سالىمشىمەن كەلىسىم بار. بۇل دەپوزيتتەردە 280 ملرد تەڭگە ساقتالىپ وتىر.