قىزىلوردا. قازاقپارات - قىزىلوردادا مۇعالىمدەردىڭ ءتول مەرەكەسىنە ارنالعان «ۇستاز - ۇلى ەسىم» اتتى مەرەكەلىك شارا ءوتتى. ۇستازدار قاۋىمىن وبلىس اكىمى قىرىمبەك كوشەربايەۆ كاسىبي مەرەكەلەرىمەن قۇتتىقتاپ، بيىلعى جىلى ءوز بىلىمدەرىن دالەلدەگەن 139 «التىن بەلگى» يەگەرلەرىنىڭ العاشقى ۇستازدارىنا ەلوردامىز «استانا» قالاسىنا تۋريستىك جولدامالار تابىستادى.  
«بەرەكەلى قازاننىڭ العاشقى اپتاسىندا اتالىپ وتەتىن ۇستازدار مەرەكەسىمەن شىن جۇرەكتەن قۇتتىقتايمىن. ەل ءۇشىن وسىنداي قيىن ساتتە ەلباسى ەڭ اۋەلى مۇعالىمدەردىڭ الەۋمەتتىك جاعدايىن جاقسارتۋدى ەسكەرىپ، 2016 جىلدىڭ 1 قاڭتارىنان باستاپ ۇستازدار قاۋىمىنىڭ جالاقىسىن كوتەرۋ تۋرالى تاپسىرما بەردى. ءبىلىم سالاسىنىڭ دامۋى، ۇستازداردى قولداۋ، وقۋشىلار مەن تۇلەكتەرگە بارىنشا جاعداي جاساۋ - ءبىز ءۇشىن قاشاندا ەڭ باستى مىندەتتەردىڭ قاتارىندا بولىپ قالا بەرەدى.  قىزىلوردا وبلىسى رەسپۋبليكا بويىنشا الەۋمەتتىك سالاعا كوپ قارجى بولەتىن ايماقتاردىڭ كوشىن باستاپ كەلەدى. بيىلعى جىلى وبلىس بيۋدجەتىنىڭ ۇشتەن ءبىر بولىگى، ياعني 66 ملرد تەڭگەدەن اسا قارجى ءبىلىم بەرۋ سالاسىنا ءبولىندى. سوڭعى ءۇش جىلدىڭ ىشىندە وبلىستا ءبىلىم بەرۋ سالاسىنا بولىنەتىن قارجى كولەمى 24 ملرد. تەڭگەگە ارتتى»،  - دەدى ايماق باسشىسى.

سونداي-اق سالتاناتتى جيىندا سىر ءوڭىرىنىڭ تۋمالارى اكادەميك اسقار جۇمادىلدايەۆ پەن اۋىر اتلەتيكادان ەكى دۇركىن وليمپيادا چەمپيونى يليا يلين، سونداي-اق، موسكۆا مەن سانكت-پەتەربۋرگ قالالارىندا   ءبىلىم الىپ جۇرگەن ستۋدەنتتەر ەكران ارقىلى ۇستازدار قاۋىمىن مەرەكەلەرىمەن قۇتتىقتاپ، جىلى لەبىزدەرىن ارنادى.

بيىلعى وقۋ جىلىندا ۇبت قورىتىندىسى بويىنشا سىر ءوڭىرى 13-ورىننان الدىڭعى بەستىككە كوتەرىلدى.  سونداي-اق، رەسەي فەدەراسياسى ۇكىمەتى گرانتى ەسەبىنەن ماسكەۋ مەن سانكت-پەتەربۋرگ قالالارىنىڭ  ماڭدايالدى جوعارى وقۋ ورىندارىندا 325 قىزىلوردالىق تۇلەك ءبىلىم الۋدا، ال سەرپىن باعدارلاماسى بويىنشا 2،5 مىڭ بالا وقۋعا ءتۇستى.

ايتا كەتۋ كەرەك، قىزىلوردا وبلىسىندا ءۇش اۋىسىممەن وقيتىن مەكتەپتەر ماسەلەسى تولىعىمەن شەشىلدى. ال اپاتتىق مەكتەپتەر سانى  2013 جىلى 25 بولسا، ونىڭ 14ء-ى قايتا سالىنىپ، قالعان 11 ءبىلىم وشاعىن كەلەسى جىلدىڭ سوڭىندا ءبىتىرۋ جوسپارلانۋدا. بالالاردى مەكتەپكە دەيىنگى تاربيەمەن قامتۋدا دا وڭ وزگەرىستەر بار. قىزىلوردادا «بالاپان» باعدارلاماسى ءساتتى جۇزەگە اسۋدا. ءقازىر وبلىس كولەمىندە 355 بالاباقشا جۇمىس جاساپ تۇر. بۇل نىساندار مەملەكەتتىك-جەكە مەنشىك سەرىكتەستىك اياسىندا سالىنعان. جىل سوڭىنا دەيىن تاعى 61 جەكە مەنشىك بالاباقشا پايدالانۋعا بەرىلەدى دەپ كۇتىلۋدە. 

دەرەككوز: قازاقپارات